હોમ લોન ટ્રાન્સફર કરતા પહેલા આ બાબતોનું રાખો ધ્યાન, નહીં તો તમારે પસ્તાવું પડી શકે છે

Home loan transfer: હાલની હોમ લોન બેલેન્સને ટ્રાન્સફર કરવું તમારા માટે ફાયદાકારક સાબિત થઈ શકે છે. એક નાણાકીય સંસ્થામાંથી બીજી નાણાકીય સંસ્થામાં હોમ લોન ટ્રાન્સફર કરવાથી તમને રાહત મળી શકે છે. જો તમે પણ તમારી હોમ લોન બીજી બેન્ક કે સંસ્થામાં સ્વિચ કરવા અથવા ટ્રાન્સફર કરવા માંગતા હો, તો બેસ્ટ ડીલ મળે તે માટે ઉપલબ્ધ બધી હોમ લોનની તુલના કરવી મહત્વપૂર્ણ છે. હોમ લોન બેલેન્સ ટ્રાન્સફર પસંદ કરતા પહેલા તમારે ધ્યાનમાં લેવી જોઈએ તેવી કેટલીક બાબતોની ચર્ચા કરીએ.

ઓછા વ્યાજ દર માટે વાટાઘાટો કરો

હોમ લોન બેલેન્સ ટ્રાન્સફરનો નિર્ણય લેતા પહેલા, તમારી હાલની બેન્ક સાથે ઓછા વ્યાજ દર માટે વાટાઘાટો કરવાનો પ્રયાસ કરો. જો તમારી સાથે સારા રિલેશન હોય, તો તેઓ તમારા ક્રેડિટ હિસ્ટ્રી અને પેમેન્ટ ક્ષમતાને અનુકૂળ રીતે ધ્યાનમાં લેવા માટે વધુ તૈયાર હોઈ શકે છે.

એક વાત ધ્યાનમાં રાખવા જેવી છે કે, રેપો રેટ-લિંક્ડ લેન્ડિંગ રેટ લોન સીધી રીતે રિઝર્વ બેન્ક ઓફ ઈન્ડિયા (RBI)ના રેપો રેટ સાથે સંબંધિત છે. રેપો રેટ એ દર છે જેના પર બેન્કો કેન્દ્રીય બેન્ક એટલે કે RBI પાસેથી પૈસા ઉધાર લે છે. આનો અર્થ એ છે કે રેપો રેટમાં વધઘટથી તમારા હોમ લોનના વ્યાજ દરો નોંધપાત્ર રીતે પ્રભાવિત થાય છે. જ્યારે રેપો રેટ ઘટે છે, ત્યારે તે વ્યાજ દર ઘટાડીને તમારા પક્ષમાં કામ કરી શકે છે જે તમારા EMI બોજને ઘટાડી શકે છે.

CIBIL સ્કોર તપાસો

હોમ લોન ટ્રાન્સફર માટે અરજી કરતા પહેલા તમારા CIBIL સ્કોરની સમીક્ષા કરવી મહત્વપૂર્ણ છે. આ સ્કોર્સ તમારી ટ્રાન્સફર અરજી માટે એક મહત્વપૂર્ણ પાત્રતા પરિબળ તરીકે સેવા આપે છે. ઓછો ક્રેડિટ સ્કોર તમારી ટ્રાન્સફર અરજી પર નોંધપાત્ર અસર કરી શકે છે, જે દર્શાવે છે કે તમે ટ્રાન્સફર માટે લાયક નથી.

ચાર્જ જાણી લો