આયુષ્માન ભારત યોજનાનું નવું અપડેટ: હવે એપ દ્વારા કરો અરજી, મળશે 5 લાખનું મેડિકલ કવર

આયુષ્માન એપ દ્વારા વરિષ્ઠ નાગરિકો પોતાનું આયુષ્માન વય વંદના કાર્ડ સરળતાથી મેળવી શકે છે. નીચેના સ્ટેપ્સ ફોલો કરો:

આયુષ્માન એપ ડાઉનલોડ કરો: ગૂગલ પ્લે સ્ટોર પરથી આયુષ્માન એપ ડાઉનલોડ કરો (એન્ડ્રોઈડ યુઝર્સ માટે).

લોગ ઇન: લાભાર્થી અથવા ઓપરેટર તરીકે લોગ ઇન કરો.

મોબાઈલ નંબર અને કેપ્ચા: તમારો મોબાઈલ નંબર અને કેપ્ચા કોડ દાખલ કરો, પછી OTP દ્વારા ઓથેન્ટિકેશન કરો.

લોકેશન પરમિશન: એપને ડિવાઈસના લોકેશનની ઍક્સેસ આપો.

આધાર વિગતો: રાજ્ય અને આધાર કાર્ડની વિગતો દાખલ કરો.

ઈ-કેવાયસી: જો લાભાર્થીની માહિતી ન મળે, તો ઈ-કેવાયસી પ્રોસેસ પૂર્ણ કરો અને OTP દ્વારા સંમતિ આપો.

વધુ વિગતો: કેટેગરી, પિનકોડ અને પરિવારના સભ્યોની માહિતી દાખલ કરો.

સબમિટ: બધી વિગતો ચકાસીને ફોર્મ સબમિટ કરો.

આ ઉપરાંત, લાભાર્થીઓ www.beneficiary.nha.gov.in વેબસાઈટ દ્વારા પણ અરજી કરી શકે છે.

આધાર કાર્ડ ફરજિયાત છે?

હા, આયુષ્માન વય વંદના કાર્ડ મેળવવા માટે આધાર-આધારિત ઈ-કેવાયસી ફરજિયાત છે. આધાર કાર્ડ એ એકમાત્ર ડોક્યુમેન્ટ છે જેની જરૂર પડે છે. આધાર વિના અરજી પ્રોસેસ શક્ય નથી.

યોજનાનો ઉદ્દેશ્ય

આયુષ્માન ભારત યોજના દેશના વરિષ્ઠ નાગરિકોને આરોગ્ય સેવાઓ સુલભ બનાવવાનો પ્રયાસ કરે છે. ખાસ કરીને 70 વર્ષથી વધુ ઉંમરના લોકો માટે આ યોજના એક વરદાન સાબિત થઈ શકે છે, કારણ કે તેમને મોંઘા મેડિકલ ટ્રીટમેન્ટનો ખર્ચ ઉઠાવવાની ચિંતા નહીં રહે. આ એપની સુવિધા ખાસ કરીને ગ્રામીણ વિસ્તારોમાં રહેતા વરિષ્ઠ નાગરિકો માટે ઉપયોગી છે, જેઓ હવે ઘરે બેઠા અરજી કરી શકે છે.

સરકારનું નિવેદન

આરોગ્ય મંત્રાલયે સોશિયલ મીડિયા પ્લેટફોર્મ એક્સ પર જણાવ્યું હતું, "70 વર્ષથી વધુ ઉંમરના વરિષ્ઠ નાગરિકો હવે આયુષ્માન એપ દ્વારા તેમનું આયુષ્માન વય વંદના કાર્ડ મેળવી શકે છે અને 5 લાખ રૂપિયા સુધીનું મફત ટ્રીટમેન્ટ મેળવી શકે છે. આ યોજના આરોગ્ય સેવાઓને વધુ સુલભ બનાવવા માટેનું એક મહત્વપૂર્ણ પગલું છે.’

આ પણ વાંચો-RBI Monetary Policy: RBI નાણાકીય નીતિમાં કરી શકે છે ઘણી મોટી જાહેરાતો, રેટ કટની પણ અપેક્ષા