PM Kisan Samman Nidhi: શું પતિ-પત્ની બંને પીએમ કિસાન યોજનાનો લઈ શકે લાભ? જાણો શું કહે છે નિયમ

PM Kisan Samman Nidhi: પ્રધાનમંત્રી કિસાન સન્માન નિધિ યોજના (PM Kisan Samman Nidhi Yojana)એ ગ્રામીણ વિસ્તારના ગરીબ ખેડૂતો માટે મોટો આધાર છે. વડાપ્રધાન નરેન્દ્ર મોદીએ આ વર્ષે 27 ફેબ્રુઆરીએ PM-કિસાન યોજનાના 13મા હપ્તા તરીકે 8 કરોડથી વધુ ખેડૂતોના બેંક ખાતામાં 16,800 કરોડ રૂપિયા ટ્રાન્સફર કર્યા હતા. દેશભરના કરોડો ખેડૂતો હવે 14મા હપ્તાની રાહ જોઈ રહ્યા છે. સૂત્રોના જણાવ્યા અનુસાર કેન્દ્ર ટૂંક સમયમાં જ પીએમ કિસાન યોજનાનો 14મો હપ્તો ખેડૂતોના ખાતામાં ટ્રાન્સફર કરી શકે છે.

પ્રધાનમંત્રી કિસાન સન્માન નિધિ (PM-કિસાન) યોજના હેઠળ, પાત્ર ખેડૂતોને દર 4 મહિનામાં 2,000-2000 રૂપિયાના ત્રણ હપ્તામાં દર વર્ષે 6,000 રૂપિયાનો આર્થિક બેનિફિટ આપવામાં આવે છે. આ રકમ લાભાર્થીઓના બેંક એકાઉન્ટ્સમાં સીધી મોકલવામાં આવે છે. આ યોજના ફેબ્રુઆરી, 2019 માં શરૂ કરવામાં આવી હતી, પરંતુ તે ડિસેમ્બર, 2018 થી અસરકારક માનવામાં આવી હતી.

2.25 લાખ કરોડ જાહેર કર્યા

પીએમ-કિસાન યોજનાનો 11મો હપ્તો મે, 2022માં બહાર પાડવામાં આવ્યો હતો, જ્યારે 12મો હપ્તો ઓક્ટોબર, 2022માં બહાર પાડવામાં આવ્યો હતો. કૃષિ મંત્રાલયના જણાવ્યા અનુસાર, પીએમ કિસાન યોજના હેઠળ, દેશના 11 કરોડથી વધુ ખેડૂતોને અત્યાર સુધીમાં કુલ 2.25 લાખ કરોડ રૂપિયાની રકમ જારી કરવામાં આવી છે. તેમાંથી 1.75 લાખ કરોડ રૂપિયા કોવિડ-19 સમયગાળા દરમિયાન ખેડૂતોને અનેક હપ્તામાં આપવામાં આવ્યા હતા. 2,000 રૂપિયાની આ આર્થિક સહાય કોરોના સમયગાળા દરમિયાન ખેડૂતો માટે એક મોટી આર્થિક સહાય હતી.