કેન્દ્રીય કર્મચારીઓના પેન્શનમાં વિલંબ નહીં થાય, સરકારે આપ્યા કડક આદેશ, આ હશે પેન્શનની ટાઇમ લાઇન

કેન્દ્ર સરકારે કર્મચારીઓના પેન્શનમાં વિલંબની સમસ્યાને ગંભીરતાથી લીધી છે. સરકારના આ સ્ટેપથી પેન્શનધારકોને કોઈપણ વિલંબ વગર સમયસર પેન્શન મળશે. અત્યાર સુધી પેન્શનરોની ફરિયાદ હતી કે તેમને તેમનું પેન્શન સમયસર મળતું નથી. કેટલીકવાર પ્રોસેસ કરવામાં મહિનાઓ લાગે છે. હવે કેન્દ્ર સરકારે પેન્શનરો માટે સમયમર્યાદા નક્કી કરી છે જે મુજબ પેન્શનની પ્રોસેસ કરવામાં આવશે. આ સંદર્ભમાં, નાણા મંત્રાલયે એક આદેશ જારી કર્યો છે, જેમાં તમામ અધિકારીઓને સીસીએસ (પેન્શન) નિયમો 2021 મુજબ સમયમર્યાદાનું સખતપણે પાલન કરવાનો નિર્દેશ આપવામાં આવ્યો છે.

પેન્શન પ્રોસેસ સમયસર પૂર્ણ કરવાની રહેશે

CCS (પેન્શન) નિયમો 2021 મુજબ, પેન્શનના કેસ સમયસર પૂરા કરવા ફરજિયાત છે. જેથી નિવૃત્ત થતા કર્મચારીઓને તેમનું પેન્શન સમયસર મળી શકે. આ માટે કર્મચારીઓએ નિવૃત્તિના એક વર્ષ પહેલા તેમનો સર્વિસ રેકોર્ડ તપાસવો અને અન્ય તૈયારીઓ શરૂ કરવી જરૂરી છે.

પેન્શન માટેની અંતિમ તારીખ:-

નિવૃત્તિના એક વર્ષ પહેલાઃ- સર્વિસ રેકોર્ડની ચકાસણી અને તૈયારીની કામગીરી શરૂ કરવાની રહેશે.

નિવૃત્તિના છ મહિના પહેલા:- કર્મચારીએ તેના/તેણીના ઓફિસ હેડને જરૂરી ફોર્મ સબમિટ કરવાના રહેશે.

નિવૃત્તિના ચાર મહિના પહેલા:- ઓફિસના વડાએ પેન્શનનો કેસ પેન્શન એકાઉન્ટિંગ ઑફિસ (PAO)ને મોકલવો પડશે.