15 ઓક્ટોબરથી બદલાવા જઈ રહ્યા છે UPI પેમેન્ટના નિયમો: શું સામાન્ય માણસ માટે પેમેન્ટ મોંઘુ થશે? જાણો A ટુ Z માહિતી

સામાન્ય મર્ચન્ટ પેમેન્ટ: 2000 રૂપિયાથી વધુના પેમેન્ટ પર 0.4% નો MDR ચાર્જ લાગશે. જોકે, 75,000 કે તેથી વધુના મોટા પેમેન્ટ માટે આ ચાર્જની મહત્તમ મર્યાદા 300 રૂપિયા નક્કી કરવામાં આવી છે.

જરૂરી સેવાઓ: રેલવે, પેટ્રોલ પંપ (ફ્યુઅલ), ટેલિકોમ, વીમા અને કૃષિ ક્ષેત્રમાં 2000 રૂપિયાથી ઉપરના પેમેન્ટ પર માત્ર 5 રૂપિયાનો ફ્લેટ ચાર્જ લાગશે.

ફાઇનાન્સ સેક્ટર: મ્યુચ્યુઅલ ફંડ, સ્ટોક બ્રોકર અને સિક્યોરિટીઝના પેમેન્ટ પર માત્ર 0.02% અને મહત્તમ 300 રૂપિયા ચાર્જ લાગશે.

નાના વેપારીઓ અને રેંકડીવાળાઓને મોટી રાહત

જો તમારી આસપાસના નાના દુકાનદારો કે શાકભાજીવાળા QR કોડ વાપરે છે, તો તેમના માટે સારા સમાચાર છે. જે નાના વેપારીઓ (P2PM કેટેગરી) મહિનામાં 1 લાખ રૂપિયા સુધીનું પેમેન્ટ QR કોડ દ્વારા લે છે, તેમને આ નવા નિયમમાંથી સંપૂર્ણ મુક્તિ આપવામાં આવી છે. તેમના પર કોઈ જ ચાર્જ લાગશે નહીં.

શું દુકાનદાર આ ચાર્જ ગ્રાહક પાસેથી વસૂલશે?

ના, બિલકુલ નહીં. NPCI અને બેંકો દ્વારા કડક સૂચના આપવામાં આવી છે કે વેપારી આ MDR ચાર્જનો બોજ કોઈ પણ સંજોગોમાં ગ્રાહક પર નાખી શકશે નહીં. આ ચાર્જ માત્ર વેપારી અને પેમેન્ટ સિસ્ટમ પ્રોવાઈડર (જેમ કે બેંક કે એપ) વચ્ચેની આંતરિક બાબત છે.

દૈનિક લિમિટ માત્ર સુરક્ષા માટે છે

ઘણા લોકોને એવો પ્રશ્ન થાય છે કે બેંકો દ્વારા જે 1 લાખ થી 5 લાખ રૂપિયાની ડેઇલી લિમિટ સેટ કરવામાં આવી છે તેનું શું? તો તમને જણાવી દઈએ કે આ લિમિટ માત્ર તમારા ખાતાની સુરક્ષા અને ફ્રોડ અટકાવવા માટે છે. તેને આ નવા ચાર્જ કે ટેક્સ સાથે કોઈ જ લેવાદેવા નથી.

આ પણ વાંચો - Unemployment Rate Falls: દેશમાં બેરોજગારી દર 6 મહિનાના સૌથી નીચલા સ્તરે, ગામડાઓમાં નોકરીની તકો વધી

ડેટા એનાલિસિસ મુજબ, દેશમાં થતા મોટાભાગના મર્ચન્ટ પેમેન્ટ 2000 રૂપિયાથી ઓછા હોય છે. આથી નવા નિયમોની અસર માત્ર 4 ટકા જેટલા ટ્રાન્ઝેક્શન પર જ પડશે. ટૂંકમાં કહીએ તો, 15 ઓક્ટોબર 2026 થી આવનારા આ નવા નિયમોથી સામાન્ય માણસના ખિસ્સા પર કોઈ જ ભાર પડવાનો નથી. તમે નિશ્ચિંત થઈને તમારું ડિજિટલ પેમેન્ટ ચાલુ રાખી શકો છો.