Budget 2026: બાંગ્લાદેશ પર ભારતનું બુલડોઝર! સહાયની રકમ અડધી કરી નાખી, યુનુસ સરકાર મુશ્કેલીમાં

એક તરફ બાંગ્લાદેશની સહાયમાં કાપ મુકાયો છે, તો બીજી તરફ ભારત સાથે સારા સંબંધો ધરાવતા દેશો માટે તિજોરી ખોલી દેવામાં આવી છે.

ભૂતાન: ભારત તરફથી સૌથી વધુ મદદ મેળવનાર દેશ ભૂતાન છે. તેને 2,289 કરોડ રૂપિયા (6% નો વધારો) ફાળવવામાં આવ્યા છે.

નેપાળ: નેપાળની સહાયમાં 14% નો વધારો કરીને 800 કરોડ રૂપિયા કરવામાં આવી છે.

શ્રીલંકા: શ્રીલંકા માટેની મદદમાં પણ વધારો કરીને 400 કરોડ રૂપિયા ફાળવવામાં આવ્યા છે.

માલદીવ્સ: માલદીવ્સની ગ્રાન્ટમાં લગભગ 8% નો ઘટાડો થયો છે અને તેને 550 કરોડ રૂપિયા મળશે.

ચાબહાર પોર્ટ માટે ફંડિંગ 'ઝીરો'

આ બજેટમાં બીજો એક ચોંકાવનારો નિર્ણય ઈરાનના ચાબહાર પોર્ટ (Chabahar Port) ને લઈને લેવાયો છે. પાકિસ્તાનને બાયપાસ કરવા માટે મહત્વના ગણાતા આ પોર્ટ પ્રોજેક્ટ માટે બજેટમાં શૂન્ય ફાળવણી કરવામાં આવી છે.

ગયા વર્ષે આ માટે 400 કરોડ રૂપિયા ફાળવવામાં આવ્યા હતા. માનવામાં આવે છે કે અમેરિકી રાષ્ટ્રપતિ ડોનાલ્ડ ટ્રમ્પ દ્વારા ઈરાન સાથે વેપાર કરતા દેશો પર પ્રતિબંધો અને ટેરિફના ડરને કારણે ભારતે આ પ્રોજેક્ટનું ફંડિંગ અટકાવી દીધું છે.

અન્ય દેશોની સ્થિતિ

અફઘાનિસ્તાન: માનવીય સહાય તરીકે 150 કરોડ રૂપિયા યથાવત રાખવામાં આવ્યા છે.

મ્યાનમાર: ત્યાંની અસ્થિરતાને કારણે સહાય ઘટાડીને 300 કરોડ રૂપિયા કરી દેવાઈ છે.

આમ, બજેટ 2026 દ્વારા ભારતે સ્પષ્ટ સંકેત આપી દીધો છે કે જે દેશો ભારત સાથે સારા સંબંધો રાખશે, તેમને જ વિકાસમાં ભારતનો સાથ મળશે.઼

આ પણ વાંચો-Budget 2026: બજેટમાં ઘર ખરીદનારાઓને નિરાશા! હવે ઘર લેવું કે ભાડે રહેવું? જાણો એક્સપર્ટની સલાહ