Union Budget 2026: ભારત બનશે AI પાવરહાઉસ? બજેટમાં સરકાર ગ્લોબલ રોકાણકારો માટે કરી શકે છે મોટી જાહેરાત

Union Budget 2026: દેશના નાણામંત્રી નિર્મલા સીતારમણ આગામી 1 ફેબ્રુઆરીના રોજ તેમનું 9મું Union Budget રજૂ કરવા જઈ રહ્યા છે. આ વખતે બજેટમાં સરકારનું ખાસ ફોકસ 'આર્ટિફિશિયલ ઇન્ટેલિજન્સ' (AI) અને ડેટા સેન્ટર્સ પર રહેવાની પૂરી શક્યતા છે. મનીકંટ્રોલના અહેવાલ મુજબ, સરકારનો મુખ્ય ઉદ્દેશ્ય AI ઇકોસિસ્ટમમાં ગ્લોબલ ઇન્વેસ્ટમેન્ટ ખેંચી લાવવાનો છે.

AI અને ડેટા સેન્ટર્સ માટે ખુલશે તિજોરી?

સરકાર એક વ્યાપક AI ઇકોસિસ્ટમ વિકસાવવા માંગે છે, જેથી ભારતમાં ઇનોવેશનને વેગ મળે અને સ્ટાર્ટઅપ્સને મદદ મળી રહે. આ ટેકનોલોજીનો ઉપયોગ સામાન્ય લોકોના ફાયદા માટે થાય તે દિશામાં સરકાર વિચારી રહી છે. આ માટે બજેટમાં ખાસ પોલિસી અથવા ઈન્સેન્ટિવ (પ્રોત્સાહન) જાહેર કરવામાં આવે તેવી વકી છે, જેથી ગ્લોબલ ટેક કંપનીઓ ભારતમાં AI સ્ટેક બનાવવા માટે પ્રેરાય.

Google અને Amazon જેવું રોકાણ લાવવાનો પ્લાન

ભારતમાં રોકાણકારો માટે મોટી તકો રહેલી છે. એક સરકારી અધિકારીના જણાવ્યા મુજબ, Google દ્વારા વર્ષ 2025માં આંધ્ર પ્રદેશમાં AI હબ (ડેટા સેન્ટર અને ફાઈબર-ઓપ્ટિક નેટવર્ક) માટે 15 અબજ ડોલરના જંગી રોકાણની જાહેરાત કરવામાં આવી છે. સરકાર ઈચ્છે છે કે આવનારા વર્ષોમાં પણ આ જ રીતે વિદેશી રોકાણ ભારત તરફ આવે.

આ પહેલા ડિસેમ્બરમાં Amazon અને Microsoft જેવી દિગ્ગજ કંપનીઓએ ભારતમાં ક્લાઉડ અને ડેટા ઈન્ફ્રાસ્ટ્રક્ચર માટે 50 અબજ ડોલરથી વધુના રોકાણની જાહેરાત કરી હતી. તો બીજી તરફ Intel અને ટાટા ઈલેક્ટ્રોનિક્સ વચ્ચે ચિપ બનાવવા માટે કરાર થયા છે, જે ઘરઆંગણે ચિપ્સની ડિમાન્ડ પૂરી કરવામાં મદદરૂપ થશે.

ઇન્ડસ્ટ્રીની શું છે માંગ?