ટાટા ટ્રસ્ટમાં મોટો ફેરફાર, વાઇસ ચેરમેન વિજય સિંહે સર રતન ટાટા ટ્રસ્ટ છોડ્યું, જાણો શું છે 400 કરોડનો મામલો

ટાટા ગ્રુપ સાથે જોડાયેલા એક ખૂબ જ મોટા સમાચાર સામે આવ્યા છે. ટાટા ટ્રસ્ટના વાઇસ ચેરમેન વિજય સિંહે સર રતન ટાટા ટ્રસ્ટમાંથી વિદાય લીધી છે. તેમનો કાર્યકાળ 14 ઓગસ્ટના રોજ પૂર્ણ થવા જઈ રહ્યો હતો, પરંતુ તેમણે તે પહેલા જ પોતાનું પદ છોડી દીધું છે.

કાર્યકાળ વધારવાનો ઇનકાર

દેશના પૂર્વ સંરક્ષણ સચિવ રહી ચૂકેલા વિજય સિંહે SRTT માં પોતાનો કાર્યકાળ ન લંબાવવાનો નિર્ણય લીધો છે. જોકે, સૂત્રોના જણાવ્યા અનુસાર, તેઓ સર દોરાબજી ટાટા ટ્રસ્ટના ટ્રસ્ટી તરીકે પોતાનું કામ ચાલુ રાખશે. તમને જણાવી દઈએ કે, ટાટા ગ્રુપની હોલ્ડિંગ કંપની ટાટા સન્સમાં SRTT અને SDTT આ બંને ટ્રસ્ટ મળીને લગભગ 66 ટકા જેટલો મોટો હિસ્સો ધરાવે છે.

શું છે આંતરિક ખેંચતાણ અને કાનૂની વિવાદ?

વિજય સિંહે એવા સમયે રાજીનામું આપ્યું છે, જ્યારે ટાટા ટ્રસ્ટમાં આંતરિક વિખવાદ ચાલી રહ્યો છે. મહારાષ્ટ્ર ચેરીટી કમિશનરે મે મહિનામાં એકતરફી નિર્ણય લેતા SRTTની ટ્રસ્ટીઓની મીટિંગ બોલાવવા પર રોક લગાવી દીધી હતી.

આ વિવાદ 'મહારાષ્ટ્ર પબ્લિક ટ્રસ્ટ એક્ટ' માં થયેલા સુધારાને લઈને છે. નવા નિયમ મુજબ, કોઈપણ પબ્લિક ટ્રસ્ટના બોર્ડમાં કાયમી ટ્રસ્ટીઓની સંખ્યા 25 ટકાથી વધુ ન હોવી જોઈએ. SRTTની દલીલ છે કે આ નવો કાયદો 1 સપ્ટેમ્બર, 2025 થી લાગુ થવાનો છે, તેથી તે જૂની નિમણૂકો પર લાગુ પડતો નથી. રીટી કમિશનરે સ્પષ્ટ કર્યું છે કે આ પ્રતિબંધ માત્ર SRTT પર જ છે, અન્ય ટાટા ટ્રસ્ટ્સ પર નહીં. હાલ SRTT એ આ પ્રતિબંધ હટાવવા માટે કમિશનરના દરવાજા ખખડાવ્યા છે.

400 કરોડના દાન અને AGM પર અસર