ભારત 2030 સુધીમાં 300 મિલિયન ટન સ્ટીલ પ્રોડક્શન કેપેસિટીના ટાર્ગેટને પણ કરશે પાર, જાણો કોણ છે સૌથી મોટો ખરીદનાર?

સેલના ચેરમેન અમરેન્દુ પ્રકાશે જણાવ્યું હતું કે, મજબૂત માંગને કારણે ભારત 2030 સુધીમાં 300 મિલિયન ટન સ્ટીલ પ્રોડક્શન કેપેસિટીના ટાર્ગેટને પાર કરી શકે છે. પ્રકાશે જણાવ્યું હતું કે, જ્યારે 2017માં ભારતની કુલ સ્ટીલ પ્રોડક્શન કેપેસિટીને વાર્ષિક 300 મિલિયન ટન સુધી વધારવા માટે નેશનલ સ્ટીલ પોલીસી શરૂ કરવામાં આવી હતી, ત્યારે આ આંકડો અવાસ્તવિક લાગતો હતો. તેમણે કહ્યું હતું કે ભારતમાં સ્ટીલ પ્રોડક્શન કેપેસિટી આગામી પાંચ વર્ષમાં (2030) 18 કરોડ ટનથી વધીને 33 કરોડ ટન થઈ જશે. SAILના ચેરમેને જણાવ્યું હતું કે, “2017માં ભારતે નેશનલ સ્ટીલ પોલીસી લાગુ કરી હતી અને અમે કહ્યું હતું કે 2030 સુધીમાં આપણે 300 મિલિયન ટન સુધી પહોંચવા માગીએ છીએ.

તે સમયે વિશ્વાસ નહોતો આવતો

તેમણે વધુમાં કહ્યું, "હું કબૂલ કરું છું કે તે સમયે આપણને વિશ્વાસ નહોતો કે ભારતમાં 300 મિલિયન ટન સ્ટીલનું પ્રોડક્શન થઈ શકે છે. તે સમયે, આપણે માંડ 8 કરોડ ટન પ્રોડક્શન કરતા હતા. અમે કહ્યું હતું કે 2030 સુધીમાં તે મજાક હશે. પરંતુ ત્રણ મહિના પહેલા, અમે બેઠા અને અમારા ટાર્ગેટમાં સુધારો કર્યો અને કહ્યું કે આપણે 2030 સુધીમાં 300 મિલિયન ટન નહીં, પરંતુ 330 મિલિયન ટન સુધી પહોંચી શકીએ છીએ." પ્રકાશે કહ્યું કે SAIL દેશમાં રેલની માંગથી ઉત્સાહિત છે અને તેણે 800 મિલિયન યુએસ ડોલરના રોકાણ સાથે નવી રેલ મિલ સ્થાપવાનો નિર્ણય લીધો છે.

રેલ્વે સૌથી મોટો ખરીદદાર