ઈરાન-ઈઝરાયેલ યુદ્ધથી ભડકશે કાચા તેલના ભાવ? જો સપ્લાય અટકશે તો ભારત પાસે શું છે વિકલ્પો, જાણો સરકારનો માસ્ટરપ્લાન

મિડલ ઈસ્ટમાં તણાવ સતત વધી રહ્યો છે. 28 ફેબ્રુઆરીના રોજ ઈરાનના સરકારી મીડિયાએ દાવો કર્યો હતો કે અમેરિકા અને ઈઝરાયેલના મિસાઈલ હુમલાના જવાબમાં તેમણે હોર્મુઝની સામુદ્રધુની બંધ કરી દીધી છે. આ દરિયાઈ રસ્તો દુનિયાભરમાં કાચા તેલના સપ્લાય માટે ખૂબ જ મહત્વનો છે. આ પરિસ્થિતિમાં સૌથી મોટો સવાલ એ ઊભો થાય છે કે જો માહોલ વધુ બગડશે તો ભારત કાચા તેલની સમસ્યાને કેવી રીતે પહોંચી વળશે?

ભારતને હાલ પૂરતી કોઈ ચિંતા નથી

જોકે, ભારતીય અધિકારીઓએ સ્પષ્ટ કર્યું છે કે હોર્મુઝનો રસ્તો બંધ થવાથી ભારતને નજીકના ભવિષ્યમાં કાચા તેલની અછતનો સામનો કરવો પડશે નહીં. દેશ પાસે હાલમાં એટલો સ્ટોક છે કે ઓછામાં ઓછા 10 દિવસ સુધી કોઈ મુશ્કેલી નહીં આવે.

અમેરિકા અને ઈઝરાયેલના સૈન્ય હુમલા બાદ ઈરાનના સર્વોચ્ચ નેતાના મોતના અહેવાલો પણ સામે આવ્યા છે. નિષ્ણાતો માને છે કે આ ઝડપથી બદલાતો ઘટનાક્રમ એ વાતનો સંકેત આપે છે કે આ સંઘર્ષ બહુ લાંબો સમય ચાલશે નહીં. આમ છતાં, જો તણાવ વધે છે, તો ભારત સરકારે અને અધિકારીઓએ કોઈપણ ઈમરજન્સીનો સામનો કરવા માટે એક માસ્ટરપ્લાન તૈયાર રાખ્યો છે.

જો માહોલ બગડ્યો તો ભારત પાસે કયા વિકલ્પો છે?

ભારતનો મજબૂત રિઝર્વ સ્ટોક: એક અધિકારીના જણાવ્યા અનુસાર, ભારતીય રિફાઇનરી કંપનીઓ પાસે હાલમાં ટાંકી અને ટ્રાન્ઝિટ (રસ્તામાં આવતા) માલને મિલાવીને 10 થી 15 દિવસ ચાલે તેટલો કાચા તેલનો સ્ટોક છે. આ ઉપરાંત, દેશની ઈંધણની ટાંકીઓ સંપૂર્ણ ભરેલી છે, જે દેશની 7 થી 10 દિવસની જરૂરિયાત આસાનીથી પૂરી કરી શકે છે. ટૂંકા ગાળા માટે સપ્લાય ખોરવાય તો ભારતને કોઈ જ અસર નહીં થાય.

રશિયા પાસેથી આયાત વધારશે: દુનિયાના કુલ ઓઈલ અને ગેસ સપ્લાયનો 5 મો ભાગ હોર્મુઝમાંથી પસાર થાય છે. અધિકારીઓએ જણાવ્યું કે, જો આ રસ્તો લાંબા સમય માટે બંધ રહે છે, તો ભારત પોતાના આયાતના સ્ત્રોત બદલીને