વિપ્રોના શેરમાં સળંગ બીજા દિવસે મોટો કડાકો: 2 દિવસમાં શેર 8% તૂટ્યો, જાણો આ અચાનક ઘટાડા પાછળનું સાચું કારણ

IT સેક્ટરની દિગ્ગજ કંપની વિપ્રોના રોકાણકારોને મોટો ઝટકો લાગ્યો છે. 8 જૂનના રોજ સળંગ બીજા ટ્રેડિંગ સેશનમાં કંપનીના શેરમાં ભારે ઘટાડો જોવા મળ્યો છે. માત્ર બે જ દિવસમાં આ શેર 8 ટકા જેટલો નબળો પડી ગયો છે. રોકાણકારોના મનમાં સવાલ છે કે એકાએક વિપ્રોના શેરમાં આટલું મોટું ગાબડું કેમ પડ્યું? તો ચાલો આ ઘટાડા પાછળનું મૂળ કારણ સમજીએ.

બે દિવસમાં માર્કેટ કેપ 2 લાખ કરોડની નીચે

8 જૂને બપોરના કારોબારમાં BSE પર વિપ્રોનો શેર અગાઉના બંધ કરતા 5.6 ટકા ગગડીને 187.10 રૂપિયાના નીચલા સ્તરે પહોંચી ગયો હતો. અગાઉ શુક્રવારે, 5 જૂને પણ શેરમાં 3 ટકાનો ઘટાડો નોંધાયો હતો. આ સતત થઈ રહેલા કડાકાને કારણે કંપનીનું માર્કેટ કેપિટલ 2 લાખ કરોડ રૂપિયાની નીચે આવી ગયું છે.

શેર ઘટવા પાછળનું મુખ્ય કારણ: બાયબેક પ્રોગ્રામ

વિપ્રોના શેરમાં આવેલા આ મોટા ઘટાડા પાછળનું સૌથી મુખ્ય કારણ કંપનીનો મેગા 'બાયબેક પ્રોગ્રામ' છે. વિપ્રો 15,000 કરોડ રૂપિયાનું શેર બાયબેક લાવી છે, જે અંતર્ગત કંપની પોતાના રોકાણકારો પાસેથી 60 કરોડ શેર પાછા ખરીદશે.

આ બાયબેકમાં ભાગ લેવા માટેની 'રેકોર્ડ ડેટ' 5 જૂન, 2026 નક્કી કરવામાં આવી હતી. એટલે કે, જે રોકાણકારોના નામ 5 જૂન સુધી કંપનીના ચોપડે હતા, તેઓ જ બાયબેકમાં શેર આપી શકશે. સામાન્ય રીતે, ઘણા રોકાણકારો માત્ર બાયબેકનો લાભ લેવા માટે જ શેર ખરીદતા હોય છે. હવે જ્યારે 5 જૂનની રેકોર્ડ ડેટ પસાર થઈ ગઈ છે, ત્યારે આવા રોકાણકારો બજારમાં પ્રોફિટ-બુકિંગ કરી રહ્યા છે અને શેર વેચી રહ્યા છે. આ જ વેચવાલીના દબાણને કારણે શેર તૂટી રહ્યો છે.

બાયબેક પ્રાઇસ અને જૂનો ઇતિહાસ