75 વર્ષનો અર્થ એ છે કે વ્યક્તિએ નિવૃત્તિ લેવી જોઈએ; મોહન ભાગવતે કોનો ઉલ્લેખ કરતા કહી આ વાત

Political Controversy: રાષ્ટ્રીય સ્વયંસેવક સંઘ (RSS)ના સરસંઘચાલક મોહન ભાગવતના તાજેતરના નિવેદને રાજકીય ચર્ચાઓને હવા આપી છે. તેમણે નાગપુરમાં એક બુક લોન્ચ ઇવેન્ટમાં કહ્યું કે, "75 વર્ષની ઉંમરે નેતાઓએ રિટાયર થઈ જવું જોઈએ અને બીજાઓને તક આપવી જોઈએ." આ નિવેદનને ઘણા લોકો પ્રધાનમંત્રી નરેન્દ્ર મોદી સાથે જોડી રહ્યા છે, કારણ કે મોદી આ વર્ષે 17 સપ્ટેમ્બરે 75 વર્ષના થશે, જ્યારે ભાગવત પોતે 11 સપ્ટેમ્બરે 75 વર્ષના થશે.

મોહન ભાગવતે શું કહ્યું?

મોહન ભાગવતે આ નિવેદન RSSના દિવંગત નેતા મોરોપંત પિંગળેના જીવન પર આધારિત પુસ્તક 'મોરોપંત પિંગળે: ધ આર્કિટેક્ટ ઓફ હિન્દુ રિસર્જન્સ'ના વિમોચન સમયે કર્યું હતું. તેમણે પિંગળેના 75મા જન્મદિવસના એક કાર્યક્રમનો ઉલ્લેખ કર્યો, જ્યાં પિંગળેને શાલ ઓઢાડી સન્માનવામાં આવ્યા હતા. ભાગવતે કહ્યું, "પિંગળેજીએ કહ્યું હતું કે, 75 વર્ષે શાલ ઓઢાડવાનો અર્થ એ છે કે હવે તમારી ઉંમર થઈ ગઈ, રિટાયર થઈને બીજાઓને આગળ આવવા દો." આ વાતને ભાગવતે પિંગળેની નમ્રતા અને નિસ્વાર્થ ભાવનાના સંદર્ભમાં રજૂ કરી હતી.

વિરોધ પક્ષોની પ્રતિક્રિયા

આ નિવેદન બાદ કોંગ્રેસ અને શિવસેના (ઉદ્ધવ બાલાસાહેબ ઠાકરે)એ તેને PM મોદી માટે ઇશારો ગણાવ્યો. કોંગ્રેસ નેતા જયરામ રમેશે X પર ટ્વીટ કરીને કટાક્ષ કર્યો, "બેચારા એવોર્ડ-વિનિંગ પ્રધાનમંત્રી! ઘરવાપસી પર RSS ચીફે યાદ અપાવ્યું કે તેઓ 17 સપ્ટેમ્બરે 75 વર્ષના થશે. પરંતુ મોદી પણ ભાગવતને કહી શકે કે તેઓ 11 સપ્ટેમ્બરે 75ના થશે! એક તીર, બે નિશાન!"

શિવસેનાના નેતા સંજય રાઉતે કહ્યું, "મોદીએ લાલકૃષ્ણ અડવાણી, મુરલી મનોહર જોશી જેવા નેતાઓને 75 વર્ષે રિટાયર કર્યા હતા. હવે જોવું રહે કે તેઓ પોતે આ નિયમનું પાલન કરે છે કે નહીં." કોંગ્રેસના પવન ખેરાએ પણ વીડિયોમાં કહ્યું, "આ સારા સમાચાર છે, કારણ કે ભાગવત અને મોદી બંને 75ના થઈ રહ્યા છે. હવે બંનેએ બેગ ઉપાડીને એકબીજાને ગાઇડ કરવું જોઈએ."

BJP અને RSSનું સ્પષ્ટીકરણ