Atal Bihari Vajpayee Death Anniversary: અટલ બિહારી વાજપેયીની આજે પુણ્યતિથિ, રાષ્ટ્રપતિ મુર્મુ, પીએમ મોદી સહિત અનેક મોટા નેતાઓએ આપી શ્રદ્ધાંજલિ

Atal Bihari Vajpayee Death Anniversary: પૂર્વ વડાપ્રધાન અટલ બિહારી વાજપેયીની આજે 5મી પુણ્યતિથિ છે. દેશ તેમને સલામ કરી રહ્યો છે. રાષ્ટ્રપતિ દ્રૌપદી મુર્મુ, ઉપરાષ્ટ્રપતિ જગદીપ ધનખર, વડા પ્રધાન નરેન્દ્ર મોદી, સંરક્ષણ પ્રધાન રાજનાથ સિંહ અને અન્ય નેતાઓ 'સદૈવ અટલ'ને શ્રદ્ધાંજલિ આપવા પહોંચ્યા હતા. VVIP નેતાઓએ પૂર્વ પીએમ અટલ બિહારી વાજપેયીને યાદ કર્યા. તેમને શ્રદ્ધાંજલિ. લોકસભા સ્પીકર ઓમ બિરલા, ગૃહમંત્રી અમિત શાહ પણ સમાધિ સ્થળ પર પહોંચ્યા હતા. બીજેપીના અન્ય નેતાઓ અને મંત્રીઓની સાથે એનડીએના સહયોગી પક્ષોના નેતાઓ પણ શ્રદ્ધાંજલિ આપવા પહોંચ્યા હતા. અહીં પ્રાર્થના કાર્યક્રમનું આયોજન કરવામાં આવ્યું છે.

બીજેપી તરફથી આમંત્રણ મળ્યા બાદ એનડીએના તમામ મોટા નેતાઓ પણ આ પુણ્યતિથિ કાર્યક્રમમાં પહોંચી રહ્યા છે. એનડીએના ઘટક નેતાઓ જીતન રામ માંઝી, સુદેશ મહતો, થમ્બી દુરાઈ, શિવસેનાના રાહુલ શેવાલે, પ્રફુલ પટેલ, અગાથા સંગમા, અનુપ્રિયા પટેલ પણ આ કાર્યક્રમમાં પહોંચ્યા હતા.

અટલજીને નેતૃત્વમાં દેશે પ્રગતિ કરીઃ પીએમ મોદી

વડાપ્રધાન નરેન્દ્ર મોદીએ ટ્વિટ કરીને લખ્યું કે તેમની પુણ્યતિથિ પર હું દેશના 140 કરોડ લોકો સાથે અટલજીને નમન કરું છું. તેમના નેતૃત્વથી ભારતને ઘણો ફાયદો થયો છે. તેમણે દેશના વિકાસમાં મહત્વપૂર્ણ યોગદાન આપ્યું હતું અને 21મી સદીના ભારતનો પાયો નાખવામાં મહત્વપૂર્ણ ભૂમિકા ભજવી હતી. 6 વર્ષ સુધી ગઠબંધન સરકાર સફળતાપૂર્વક ચલાવવાનો શ્રેય પૂર્વ વડાપ્રધાન વાજપેયીને જાય છે. આ દરમિયાન તેમણે સુધારાને આગળ ધપાવી અને ઈન્ફ્રાસ્ટ્રક્ચરને વેગ આપ્યો. જણાવી દઈએ કે પૂર્વ વડાપ્રધાન અટલ બિહારી વાજપેયીનું 16 ઓગસ્ટ 2018ના રોજ 93 વર્ષની વયે અવસાન થયું હતું.