Digvijay Singh: દિગ્વિજય સિંહે લીધો મોટો નિર્ણય, કહ્યું- 'હું મારી સીટ ખાલી કરી રહ્યો છું', જાણો શું છે આગળનો પ્લાન?

Digvijay Singh: મધ્યપ્રદેશના રાજકારણમાં હાલ એક મોટા સમાચાર સામે આવ્યા છે. કોંગ્રેસના દિગ્ગજ નેતા અને રાજ્યસભા સાંસદ દિગ્વિજય સિંહે પોતાની રાજકીય કારકિર્દીને લઈને એક મહત્વનો ખુલાસો કર્યો છે. તેમણે સ્પષ્ટ શબ્દોમાં જાહેર કર્યું છે કે તેઓ પોતાની રાજ્યસભાની સીટ ખાલી કરી રહ્યા છે અને હવે તેઓ ઉપલા ગૃહમાં જવા નથી માંગતા.

શું કહ્યું દિગ્વિજય સિંહે?

ભોપાલમાં પત્રકારો સાથે વાતચીત કરતી વખતે જ્યારે દિગ્વિજય સિંહને ત્રીજી વખત રાજ્યસભામાં જવા અંગે પ્રશ્ન પૂછવામાં આવ્યો, ત્યારે તેમણે કોઈ પણ ગોળ-ગોળ વાત કર્યા વિના સીધો જવાબ આપ્યો હતો. તેમણે કહ્યું કે, "હું મારી સીટ ખાલી કરી રહ્યો છું. આ મારો વ્યક્તિગત નિર્ણય છે અને હવે હું રાજ્યસભાના સાંસદ બનવા નથી માંગતો."

અત્રે ઉલ્લેખનીય છે કે, દિગ્વિજય સિંહનો હાલનો રાજ્યસભાનો કાર્યકાળ આગામી 9 એપ્રિલના રોજ પૂર્ણ થઈ રહ્યો છે. તેમના આ નિવેદન બાદ રાજકીય ગલિયારામાં ચર્ચાઓ તેજ થઈ ગઈ છે.

બંધારણ અને સંમતિ પર મૂક્યો ભાર

આ વાતચીત દરમિયાન તેમણે લોકશાહી અને બંધારણીય પ્રક્રિયાઓ વિશે પણ મહત્વની વાત કરી હતી. તેમણે કહ્યું કે, "ઘણા એવા મુદ્દાઓ હોય છે જેના પર પરસ્પર ચર્ચા અને સંમતિ હોવી ખૂબ જરૂરી છે. જો આપણે ઈમાનદારીથી બંધારણને અનુસરીને કામ કરીએ તો કોઈને કોઈ સમસ્યા નડતી નથી." તેમનું કહેવું હતું કે અમુક વિષયો પર સામાન્ય સંમતિ સાધીને જ આગળ વધવું જોઈએ.

મધ્યપ્રદેશના રાજકારણમાં સક્રિય થવાના સંકેત?