કંગના રનૌતે પ્રિયંકા ગાંધીની કરી પ્રશંસા, કહ્યું- રાહુલની બહેન તેમનાથી ઘણી અલગ

બોલિવૂડ અભિનેત્રી અને ભારતીય જનતા પાર્ટી (ભાજપ) સાંસદ કંગના રનૌતે પણ કોંગ્રેસ નેતા રાહુલ ગાંધીને તેમની આગામી ફિલ્મ 'ઇમરજન્સી' જોવા માટે આમંત્રણ આપ્યું છે. આ ફિલ્મ તેમના દાદી અને ભૂતપૂર્વ વડા પ્રધાન ઇન્દિરા ગાંધીના જીવન પર આધારિત છે. કંગનાએ આ આમંત્રણ કોંગ્રેસ સાંસદ પ્રિયંકા ગાંધીને પણ આપ્યું છે. આ ફિલ્મ 17 જાન્યુઆરીએ સિનેમાઘરોમાં રિલીઝ થવા જઈ રહી છે. આ ફિલ્મમાં કંગના પોતે દિગ્દર્શક અને અભિનેત્રી તરીકે કામ કરી રહી છે. આ ફિલ્મમાં તે ઇન્દિરા ગાંધીની ભૂમિકા પણ ભજવી રહી છે.

કંગના રનૌતે આપેલા ઈન્ટરવ્યુમાં રાહુલ ગાંધીના વર્તનની ટીકા કરી છે. તેમણે પ્રિયંકા ગાંધીના સ્વભાવને રાહુલ ગાંધી કરતા સારો ગણાવ્યો.

સંસદમાં પ્રિયંકા ગાંધી સાથેની વાતચીતને યાદ કરતાં કંગનાએ કહ્યું, "જ્યારે હું તેમને મળી, ત્યારે તેમણે હસીને કહ્યું કે તે ખૂબ જ સુંદર વાતચીત હતી. મને તે ખૂબ સારી રીતે યાદ છે. તે ખૂબ જ નમ્ર છે. તે તેના ભાઈ કરતા અલગ છે તે ખૂબ જ નમ્ર છે. રાહુલ ગાંધી કરતા વિપરીત છે. તે ચોક્કસપણે બુદ્ધિશાળી છે અને તે જે કંઈ કહે છે તે સાચું છે. મને તેની સાથે વાત કરવાનું ગમે છે."

કંગના રનૌતે રાહુલ ગાંધીની ટીકા કરતા કહ્યું, "તેમના ભાઈ તો આપ જાણો જ છો. તેમણે મારી સામે સ્મિત કર્યું. તેમને શિષ્ટાચારની કોઈ સમજ નથી. છતાં હું તેમને ફિલ્મ જોવા માટે આમંત્રણ આપું છું."

‘ઇમરજન્સી' ફિલ્મમાં અનુપમ ખેર, શ્રેયા તલપડે, અશોક છાબરા, મહિમા ચૌધરી, મિલિંદ સોમન, વિશાલ નાયર અને સ્વર્ગસ્થ સતીશ કૌશિક જેવા કલાકારોનું મુખ્ય યોગદાન છે. આ ફિલ્મ 1975થી 1977 દરમિયાન ઇન્દિરા ગાંધી દ્વારા લાદવામાં આવેલી ઇમરજન્સી અને તેના પરિણામો પર આધારિત છે. ઇમરજન્સીને ભારતીય લોકશાહીમાં એક કાળા પ્રકરણ તરીકે જોવામાં આવે છે.

આ પણ વાંચો - PMAY-U 2.0: મોદી સરકાર હોમ લોન પર આપી રહી છે 4% સબસિડી, પણ આ છે શરત, જાણો આવક કેટલી હોવી જોઈએ