કંગના રનૌતનું સંસદ સભ્યપદ રદ કરવાની માગ સાથે કોર્ટમાં અરજી, હાઈકોર્ટે અરજી પર ફટકારી નોટિસ

હાઈકોર્ટે બોલીવુડ અભિનેત્રી અને બીજેપી સાંસદ કંગના રનૌતને નોટિસ પાઠવી છે. કંગનાની ચૂંટણીને કોર્ટમાં પડકારવામાં આવી છે અને સમગ્ર ચૂંટણી પ્રક્રિયાને રદ કરવાની માંગ કરવામાં આવી છે. કોર્ટે કંગનાને 21 ઓગસ્ટ સુધીમાં જવાબ દાખલ કરવા કહ્યું છે. આવી સ્થિતિમાં કંગનાની સંસદ સભ્યપદની ચર્ચા થવા લાગી છે.

કંગનાએ હિમાચલ પ્રદેશની મંડી લોકસભા બેઠક પરથી 74,755 મતોથી ચૂંટણી જીતી હતી. તેમણે કોંગ્રેસના ઉમેદવાર અને પૂર્વ સીએમ વીરભદ્ર સિંહના પુત્ર વિક્રમાદિત્ય સિંહને હરાવ્યા છે. વિક્રમાદિત્ય રાજ્ય સરકારમાં જાહેર બાંધકામ વિભાગમાં મંત્રી પણ છે. વિક્રમાદિત્યને 4,62,267 વોટ મળ્યા. જ્યારે કંગનાને 5,37,002 વોટ મળ્યા હતા.

કોણે દાખલ કરી અરજી?

કિન્નરના રહેવાસી લાઈક રામ નેગીની અરજી પર હાઈકોર્ટે બુધવારે કંગના રનૌતને નોટિસ જારી કરી છે. આ અરજીમાં કંગનાની ચૂંટણી રદ કરવાની માંગ કરવામાં આવી છે. અરજીકર્તાનું કહેવું છે કે તે આ વખતે સામાન્ય ચૂંટણી લડવા માંગે છે. આ માટે તેમણે મંડી લોકસભા બેઠક પરથી ઉમેદવારી પત્ર પણ ભર્યું હતું. પરંતુ, ચૂંટણી અધિકારી દ્વારા તેમનું નામાંકન પત્ર ખોટી રીતે નામંજૂર કરવામાં આવ્યું હતું.

ચૂંટણી રદ કરવાની માંગ

હાઈકોર્ટમાં જસ્ટિસ જ્યોત્સના રેવાલે કંગના રનૌતને નોટિસ પાઠવીને 21 ઓગસ્ટ સુધીમાં જવાબ દાખલ કરવાનો નિર્દેશ આપ્યો છે. અરજીકર્તા નેગીએ રાણાવતની ચૂંટણી રદ કરવાની માંગ કરી છે. તેમણે કહ્યું કે, મારું નામાંકન પત્ર રિટર્નિંગ ઓફિસર (ડેપ્યુટી કમિશનર, મંડી) દ્વારા ખોટી રીતે નકારી કાઢવામાં આવ્યું હતું. નેગીએ આ સમગ્ર મામલે કંગનાને પણ પક્ષકાર બનાવ્યા છે.

નેગી VRS સાથે ચૂંટણી લડવા માંગતા હતા