ચૂંટણી બાદ મહાયુતિ સરકારની જાહેરાત, વકફ બોર્ડને આપશે 10 કરોડ રૂપિયાનું ફંડ

મહારાષ્ટ્ર વિધાનસભા ચૂંટણીમાં જીત બાદ મહાયુતિ ગઠબંધનમાં સીએમ પદને લઈને ચર્ચા ચાલી રહી છે. દરમિયાન મહાયુતિ સરકારે પણ નિર્ણયો લેવાનું શરૂ કરી દીધું છે. ચૂંટણી પછી, મહારાષ્ટ્રની મહાયુતિ સરકારે વક્ફ બોર્ડને તાત્કાલિક રુપિયા 10 કરોડનું ફંડ આપવાની જાહેરાત કરી છે. આ નિર્ણય માટે સરકારી ઠરાવ (GR) પણ અમલમાં આવ્યો છે. તમને જણાવી દઈએ કે મહારાષ્ટ્ર રાજ્ય વક્ફ બોર્ડને મજબૂત કરવા માટે નાણાકીય વર્ષ 2024-25માં કુલ 20.00 કરોડ રૂપિયાની જોગવાઈ કરવામાં આવી છે.

આપવામાં આવ્યા છે 2 કરોડ

મહારાષ્ટ્ર સરકારે નાણાકીય વર્ષ 24-25માં લઘુમતીઓના કલ્યાણ માટે વક્ફ બોર્ડને 10 કરોડ રૂપિયા ફાળવવાનો નિર્ણય કર્યો હતો. જૂનમાં ચૂંટણી પહેલા લઘુમતી કલ્યાણ વિભાગે સંભાજીનગરમાં વકફ બોર્ડને 2 કરોડ રૂપિયા આપ્યા હતા. સાથે જ બાકીની રકમ બાદમાં આપવાનું વચન આપવામાં આવ્યું હતું. આ રકમ આપવામાં આવશે કે નહીં તે અંગે ચર્ચા થશે તેમ જણાવાયું હતું.

તાત્કાલિક ફાળવણીની જાહેરાત

હવે મહારાષ્ટ્ર સરકારે રાજ્ય વક્ફ બોર્ડને તાત્કાલિક રુપિયા 10 કરોડ ફાળવવાની જાહેરાત કરી છે. આ અંગે લઘુમતી વિભાગ દ્વારા સરકારી ઠરાવ (GR) જારી કરવામાં આવ્યો છે. જો ચૂંટણી પ્રચાર દરમિયાન જોવામાં આવે તો, ભાજપે મહાયુતિ સરકારમાં વકફ જમીનના સંચાલન અંગે ચિંતા વ્યક્ત કરી હતી, જો કે, ચૂંટણી પરિણામો પછી, મહાયુતિ સરકારે વકફ બોર્ડની કામગીરી અને માળખાકીય સુવિધાઓ વધારવા માટે ભંડોળ મંજૂર કર્યું છે. મહારાષ્ટ્ર સરકારે નાણાકીય વર્ષ 24-25માં લઘુમતીઓના કલ્યાણ માટે વક્ફ બોર્ડને 10 કરોડ રૂપિયા ફાળવવાનો નિર્ણય કર્યો હતો.

આ પણ વાંચો - Bank Holidays in December: આવતા મહિને બેન્કોમાં રજાઓની ભરમાર, કુલ 17 દિવસ બંધ રહેશે બેન્કો