શું વાત કરો છો.. Apple Storeમાં ચોરી પણ થઈ ગઈ.. 4.10 કરોડની કિંમતના 436 iPhoneની ઉઠાંતરી, ધૂમ ગેંગની સ્ટાઈલથી પોલીસ અચંબીત

Apple store: અમેરિકામાં Apple Storeમાં વેબ સિરીઝ મની હેઇસ્ટના પ્લોટની જેમ ચોરીની મોટી ઘટનાને અંજામ આપવામાં આવ્યો છે. ચોરોએ બાથરૂમમાંથી Apple Storeની અંદર પ્રવેશ કર્યો અને પછી 436 iPhone લૂંટી લીધા. તેમની કિંમત 4.10 કરોડ રૂપિયા હોવાનું કહેવાય છે. આ ઘટના અમેરિકાના સિએટલમાં બની છે. આ ઘટનાને અંજામ આપવા માટે ચોરોએ ફિલ્મની તર્જ પર Apple Storeની બાજુમાં આવેલી કોફી શોપનો ઉપયોગ કર્યો હતો. Apple Storeના બાથરૂમની દિવાલ પર ટનલ બનાવીને અંદર પ્રવેશ્યા. ચોરીની આ ઘટનાથી બધા ચોંકી ગયા છે.

સિએટલની સ્થાનિક ન્યૂઝ ચેનલ કિંગ 5 ન્યૂઝ અનુસાર, ચોરોએ સૌથી પહેલા સિએટલની એક કોફી શોપમાં પ્રવેશ કર્યો. પછી Apple Storeના પાછળના રૂમ સુધી પહોંચવા માટે બાથરૂમની દિવાલમાં એક કાણું પાડ્યું. ચોરોએ Apple Storeની સુરક્ષા વ્યવસ્થાને બાયપાસ કરીને પડોશની કોફી શોપ દ્વારા આ ઘટનાને અંજામ આપ્યો હતો.

કોફી શોપના સીઈઓએ સોશિયલ મીડિયા પર માહિતી આપી

ન્યૂઝ ચેનલ, કિંગ 5 ન્યૂઝ સાથે વાત કરતા, એરિક માર્ક્સે જણાવ્યું હતું કે તેમને સવારે એક ફોન આવ્યો હતો. પરંતુ તેઓ માનતા ન હતા કે આવું કંઈક થઈ શકે છે. જોકે, પોલીસે પુષ્ટિ કરી હતી કે તેનો પાસવર્ડ Apple Storeને એક્સેસ કરવા માટે ઉપયોગમાં લેવાયો હતો. માર્ક્સે કિંગ 5 ન્યૂઝને વધુમાં જણાવ્યું કે મને ક્યારેય શંકા નહોતી કે અમે Apple Storeની નજીકમાં છીએ. ચોરોએ મોલના લેઆઉટમાં પ્રવેશ મેળવવા માટે આનો ઉપયોગ કેવી રીતે કર્યો તે આશ્ચર્યજનક છે. તે જ સમયે, કોફી શોપના સીઈઓ માઈક એટકિન્સને પણ ટનલની તસવીર ટ્વિટર પર પોસ્ટ કરી છે. જેમાં તેણે આ ઘટનાનો પણ ઉલ્લેખ કર્યો છે. કોફી શોપ કહે છે કે અમે તાળા બદલી નાખ્યા છે. આ માટે 900 ડોલર ખર્ચવા પડ્યા હતા. તે જ સમયે, બાથરૂમના સમારકામ પર 600-800 ડોલર ખર્ચવામાં આવ્યા હતા.