Top 5 Countries for Jobs: અમેરિકાને બાય-બાય! આ 5 દેશોમાં ભારતીયો માટે શ્રેષ્ઠ વર્ક વિઝાના ઓપ્શન

Top 5 Countries for Jobs: અમેરિકામાં H-1B વિઝા માટે નવી ફી ની જાહેરાત થઈ છે, જેમાં એક લાખ ડોલર (આશરે 88 લાખ રૂપિયા) ની ફી ચૂકવવી પડશે. આ નિર્ણયથી અમેરિકન કંપનીઓ માટે વિદેશી વર્કર્સ હાયર કરવાનું મોંઘું થઈ ગયું છે. આવી સ્થિતિમાં ઘણા ભારતીયો હવે અમેરિકા ને બદલે અન્ય દેશોમાં જોબની તકો શોધી રહ્યા છે. ચાલો જાણીએ એવા 5 દેશો વિશે જ્યાં ભારતીયો માટે વર્ક વિઝા અને જોબની સારી તકો છે.

1. કેનેડા: સ્કિલ્ડ વર્કર્સ માટે આદર્શ

કેનેડા ભારતીય સ્કિલ્ડ વર્કર્સ માટે શ્રેષ્ઠ વિકલ્પ છે. અહીંનો ફેડરલ સ્કિલ વર્કર પ્રોગ્રામ (FSWP) વિદેશી વર્કર્સને સરળતાથી વર્ક વિઝા આપે છે. ખાસ કરીને IT સેક્ટરમાં જોબની ઘણી તકો છે. કેનેડાની ખાસિયત એ છે કે અહીં પર્મેનન્ટ રેસિડેન્સી (PR) મેળવવું પણ સરળ છે, જે ભારતીયો માટે મોટો ફાયદો છે.

2. જર્મની: યુરોપનું આર્થિક એન્જિન

જર્મની એ યુરોપનું આર્થિક પાવરહાઉસ છે, જ્યાં મેન્યુફેક્ચરિંગ અને એન્જિનિયરિંગ સેક્ટરમાં જોબની ઘણી તકો છે. અહીં જોબ સીકર વિઝા 6 મહિના સુધી દેશમાં રહીને જોબ શોધવાની સુવિધા આપે છે, જે પછી વર્ક વિઝામાં બદલી શકાય છે. વધુમાં, EU બ્લુ કાર્ડ પ્રોગ્રામ સ્કિલ્ડ વર્કર્સને જોબ મેળવવામાં મદદ કરે છે.

3. સિંગાપોર: એશિયાનું જોબ હબ

એશિયામાં જોબ શોધતા ભારતીયો માટે સિંગાપોર શ્રેષ્ઠ વિકલ્પ છે. અહીં એમ્પ્લોયમેન્ટ પાસ (EP) દ્વારા સ્કિલ્ડ વર્કર્સને વર્ક વિઝા મળે છે. સિંગાપોરની વિઝા પ્રોસેસ સરળ છે અને બેન્કિંગ, IT અને માર્કેટિંગ જેવા સેક્ટરમાં સારી સેલેરી સાથે જોબની તકો છે.