Monsoon Update: ચોમાસાની વિદાયના સંકેતો વચ્ચે ગુજરાતથી લઈને યુપી સુધી ભારે વરસાદનું એલર્ટ, જાણો IMDની નવી ચેતવણી

મહારાષ્ટ્ર: મધ્ય મહારાષ્ટ્રમાં 14 સપ્ટેમ્બરે ભારે વરસાદ પડી શકે છે. આ ઉપરાંત કોંકણ અને ગોવામાં પણ 14 અને 15 સપ્ટેમ્બરના રોજ ગાજવીજ સાથે વરસાદની ગતિવિધિઓ જોવા મળશે.

ઉત્તર-પશ્ચિમ ભારત: યુપી, દિલ્હી અને પંજાબનું હવામાન

ઉત્તર-પશ્ચિમ ભારતના મેદાની અને પહાડી વિસ્તારોમાં પણ વરસાદ રોકાવાનું નામ નથી લઈ રહ્યો. ઉત્તરાખંડ અને પૂર્વ રાજસ્થાનમાં 14 સપ્ટેમ્બરે ભારે વરસાદની આગાહી છે. 15 થી 17 સપ્ટેમ્બર દરમિયાન હરિયાણા, ચંદીગઢ, દિલ્હી અને પંજાબમાં ઘણી જગ્યાએ ધોધમાર વરસાદ પડી શકે છે. ઉત્તર પ્રદેશ પૂર્વ અને પશ્ચિમ યુપીમાં 14 અને 15 સપ્ટેમ્બરે વીજળી પડવાની અને ગાજવીજ સાથે હળવાથી મધ્યમ વરસાદની સંભાવના છે. રાજસ્થાનમાં 14 થી 16 સપ્ટેમ્બર વચ્ચે 30 થી 40 કિમી પ્રતિ કલાકની ઝડપે પવન ફૂંકાશે અને વીજળી પડવાનું અનુમાન છે.

મધ્ય અને પૂર્વ ભારતની સ્થિતિ

મધ્ય ભારત: પશ્ચિમ મધ્ય પ્રદેશ અને છત્તીસગઢમાં 14 સપ્ટેમ્બરે અનેક જગ્યાએ વરસાદ પડશે, જેમાં મધ્ય પ્રદેશમાં ભારે વરસાદનું એલર્ટ છે. 15 થી 20 સપ્ટેમ્બર સુધી મધ્ય પ્રદેશ, છત્તીસગઢ અને વિદર્ભમાં છૂટોછવાયો વરસાદ ચાલુ રહેશે.

પૂર્વ ભારત: પશ્ચિમ બંગાળ અને સિક્કિમમાં 14 થી 20 સપ્ટેમ્બર વચ્ચે વ્યાપક વરસાદની આગાહી છે. બિહારમાં 16 અને 17 સપ્ટેમ્બરે, જ્યારે ઓડિશામાં 14 સપ્ટેમ્બર અને 18 થી 20 સપ્ટેમ્બર વચ્ચે ભારે વરસાદ થઈ શકે છે. બિહાર, ઝારખંડ અને બંગાળમાં 14 થી 18 સપ્ટેમ્બર સુધી તેજ આંધી આવી શકે છે.

પૂર્વોત્તર રાજ્યો: આસામ, મેઘાલય અને અરુણાચલ પ્રદેશમાં 15 થી 18 સપ્ટેમ્બર વચ્ચે મુશળધાર વરસાદનું એલર્ટ છે.

દક્ષિણ ભારત: તેલંગાણા અને કર્ણાટકમાં વાવાઝોડાનું એલર્ટ

દક્ષિણ ભારતમાં કેરળ અને લક્ષદ્વીપમાં 14 થી 20 સપ્ટેમ્બર સુધી મોટાભાગના સ્થળોએ વરસાદ ચાલુ રહેશે. તેલંગાણા અને ઉત્તરીય કર્ણાટકમાં 14 સપ્ટેમ્બરે 40 થી 50 કિમી (ક્યારેક 60 કિમી) ની ઝડપે તોફાની પવન ફૂંકાવાની અને વીજળી પડવાની ચેતવણી છે. તમિલનાડુ અને આંધ્ર પ્રદેશના વિસ્તારોમાં પણ 19 અને 20 સપ્ટેમ્બરે ભારે વરસાદની આગાહી છે.

માછીમારો માટે રેડ એલર્ટ જાહેર

દરિયામાં પવનની ગતિ જોખમી હોવાથી માછીમારોને વિશેષ ચેતવણી આપવામાં આવી છે. ગુજરાતના દરિયાકાંઠે અને ઉત્તર-પૂર્વ અરબી સમુદ્રમાં 16 સપ્ટેમ્બર સુધી માછીમારોને દરિયો ન ખેડવા સૂચના અપાઈ છે.ઉત્તરી મહારાષ્ટ્ર કાંઠે અને દક્ષિણ કેરળ પાસે 14 સપ્ટેમ્બરે દરિયાઈ સ્થિતિ ખરાબ રહેશે. બંગાળની ખાડી અને અંદમાન સાગરમાં 15 થી 19 સપ્ટેમ્બર દરમિયાન તોફાની પવનો ફૂંકાશે, તેથી ત્યાં પણ દરિયાઈ ગતિવિધિઓ પર રોક લગાવવાની સલાહ આપવામાં આવી છે.

આ પણ વાંચો-ગુજરાતમાં મેઘરાજાની ધમાકેદાર બેટિંગ: 24 કલાકમાં 240 તાલુકામાં વરસાદ, કપરાડામાં સૌથી વધુ 4.45 ઇંચ ખાબક્યો