વૃંદાવનના બાંકે બિહારી મંદિર માટે સુપ્રીમ કોર્ટનો આકરો આદેશ: 'દાનનો એક-એક પૈસો સીધો ખજાનામાં જ જવો જોઈએ'

Banke Bihari Temple : મથુરાના પ્રખ્યાત વૃંદાવન સ્થિત શ્રી બાંકે બિહારી મંદિરમાં આવતા ભંડોળ અને દાનને લઈને સુપ્રીમ કોર્ટે અત્યંત કડક વલણ અપનાવ્યું છે. કોર્ટે સ્પષ્ટ શબ્દોમાં આદેશ આપ્યો છે કે ભક્તો દ્વારા દાનમાં આપવામાં આવેલો એક-એક પૈસો સીધો મંદિરના ખજાનામાં જ જવો જોઈએ.

મંગળવારે સુપ્રીમ કોર્ટમાં શ્રી બાંકે બિહારી મહારાજ જી મંદિરની મેનેજમેન્ટ કમિટી દ્વારા દાખલ કરવામાં આવેલી અરજી પર સુનાવણી હાથ ધરવામાં આવી હતી. આ દરમિયાન મંદિરમાં દાનના પૈસાની કથિત ઉચાપત અને ગેરરીતિના આક્ષેપોને લઈને કોર્ટે ભારે નારાજગી વ્યક્ત કરી હતી. સુપ્રીમ કોર્ટે સ્પષ્ટ કરી દીધું છે કે મંદિરમાં ભગવાનને ચઢાવવામાં આવતા દાનની કોઈ પણ પ્રકારની ચોરી ચલાવી લેવામાં આવશે નહીં.

'એક-એક પૈસો સીધો ખજાનામાં જ જમા થવો જોઈએ'

જસ્ટિસ સૂર્યકાંત, જસ્ટિસ જોયમાલ્ય બાગચી અને જસ્ટિસ વી. મોહનાની બેન્ચે મંગળવારે મંદિરના સંચાલન અને વહીવટને લગતી આ મહત્વની અરજીઓ પર સુનાવણી કરી હતી. કોર્ટે કડક સૂચના આપી છે કે મંદિરમાં કરવામાં આવતું કોઈપણ દાન કાં તો સીધું દાન પેટીમાં અથવા ઓનલાઈન માધ્યમથી માત્ર ને માત્ર મંદિરના સત્તાવાર ખજાનામાં જ જમા થવું જોઈએ. કોર્ટે ચેતવણી આપી છે કે જો 'સેવાયતો' (પૂજારીઓ) અથવા અન્ય કોઈ પણ વ્યક્તિ આ પ્રક્રિયામાં અડચણ ઊભી કરવાનો પ્રયાસ કરશે, તો તેને કોર્ટ ખૂબ ગંભીરતાથી લેશે અને કડક પગલાં ભરશે.

પારદર્શક સિસ્ટમ લાગુ કરવાનો નિર્દેશ

ભ્રષ્ટાચાર અને ગેરરીતિઓ અટકાવવા માટે સુપ્રીમ કોર્ટે મેનેજમેન્ટ કમિટીને મંદિરમાં એક સંપૂર્ણ પારદર્શક વ્યવસ્થા ઊભી કરવાનો આદેશ આપ્યો છે.આ નવી સિસ્ટમ દ્વારા એ સુનિશ્ચિત કરવામાં આવશે કે તમામ દાન અને ચઢાવાનો પાક્કો અને સાચો હિસાબ રાખવામાં આવે. કોર્ટે એ પણ સ્પષ્ટ કર્યું છે કે મંદિરના ફંડમાંથી જો કોઈ નવી મિલકત ખરીદવાની હોય, તો તે લેવડદેવડ કે સોદો પૂરો કરતા પહેલા કોર્ટની મંજૂરી લેવી ફરજિયાત રહેશે. આ ઉપરાંત, મંદિર સાથે જોડાયેલી કોઈ પણ વ્યક્તિ દાન કે ચઢાવાના પૈસા ખજાનામાં જમા કરાવ્યા વિના પોતાની પાસે રાખી શકશે નહીં.

અગાઉ મેનેજમેન્ટ કમિટીમાં કરાયો હતો મોટો ફેરફાર