UPI in Malaysia: હવે મલેશિયામાં પણ વાગશે ભારતનો ડંકો! PM મોદીની મોટી જાહેરાત, જાણો કયા દેશોમાં ચાલે છે UPI?

UPI in Malaysia: ભારતની ડિજિટલ ક્રાંતિની ચર્ચા હવે આખી દુનિયામાં થઈ રહી છે. ભારતનું લોકપ્રિય પેમેન્ટ પ્લેટફોર્મ 'યુનિફાઈડ પેમેન્ટ્સ ઈન્ટરફેસ' એટલે કે UPI હવે એક ગ્લોબલ બ્રાન્ડ બની ગયું છે. આ કડીમાં હવે વધુ એક દેશનું નામ જોડાવવા જઈ રહ્યું છે. વડાપ્રધાન નરેન્દ્ર મોદીએ જાહેરાત કરી છે કે ટૂંક સમયમાં મલેશિયામાં પણ UPI સર્વિસ શરૂ કરવામાં આવશે.

મલેશિયામાં UPIનો પ્રારંભ

વડાપ્રધાન નરેન્દ્ર મોદી હાલ મલેશિયાની બે દિવસીય મુલાકાતે છે. આ દરમિયાન તેમણે ભારતીય સમુદાયને સંબોધતા એક મોટા સમાચાર આપ્યા હતા. તેમણે જણાવ્યું હતું કે ભારત અને મલેશિયા વચ્ચેના આર્થિક અને નાગરિક સંબંધોને વધુ મજબૂત કરવા માટે ટૂંક સમયમાં અહીં UPI પેમેન્ટ સિસ્ટમ શરૂ કરવામાં આવશે. આ સુવિધા શરૂ થવાથી મલેશિયામાં વસતા ભારતીયો અને ત્યાં ફરવા જતા પ્રવાસીઓને લેવડ-દેવડમાં મોટી રાહત મળશે.

PM મોદીનું ભવ્ય સ્વાગત

વડાપ્રધાન મોદી 2026ની તેમની પ્રથમ વિદેશ યાત્રા પર કુઆલાલંપુર પહોંચ્યા. અહીં તેમનું સ્વાગત કરવા માટે મલેશિયાના વડાપ્રધાન અનવર ઈબ્રાહિમ ખુદ એરપોર્ટ પર પહોંચ્યા હતા. એટલું જ નહીં, તેઓ PM મોદી સાથે કાર્યક્રમ સ્થળ સુધી પણ ગયા હતા. આ ઘટના બંને નેતાઓ વચ્ચેની મિત્રતા અને ભારત-મલેશિયાના મજબૂત સંબંધોને દર્શાવે છે.

વડાપ્રધાને જૂની યાદો તાજી કરતા કહ્યું હતું કે, "ગયા વર્ષે હું આસિયાન સમિટ માટે આવી શક્યો ન હતો, પરંતુ મેં મારા મિત્ર અનવર ઈબ્રાહિમને વચન આપ્યું હતું કે હું જલ્દી આવીશ. આજે વચન મુજબ હું અહીં છું."

ભારતીય સમુદાયનો દબદબો