સુરક્ષા દળો માટે માથાનો દુખાવો બનેલા 'બેડરૂમ જેહાદીઓ' કોણ છે? જમ્મુ અને કાશ્મીરમાં મચાવી રહ્યા છે આતંક

Bedroom Jihadi: જમ્મુ-કાશ્મીરમાં ભારતીય સુરક્ષા દળો આતંકવાદ સામે લડવા માટે સતત કામગીરી કરી રહ્યા છે. ઓપરેશન સિંદૂર અને ઓપરેશન મહાદેવ જેવી મોટી કાર્યવાહીઓએ આતંકીઓની કમર તોડી નાખી છે. પરંતુ હવે એક નવી ચૂનોતી સામે આવી છે, જેને સુરક્ષા એજન્સીઓ ‘બેડરૂમ જિહાદી’ તરીકે ઓળખે છે. આ લોકો ઘરની ચાર દીવાલોમાં બેસીને સોશિયલ મીડિયા દ્વારા આતંકની સાજીશ રચે છે, ફેક ન્યૂઝ ફેલાવે છે અને લોકોને ઉશ્કેરીને રમખાણો ભડકાવવાનો પ્રયાસ કરે છે.

સુરક્ષા એજન્સીઓના જણાવ્યા અનુસાર, તાજેતરની તપાસમાં પાકિસ્તાનથી સંચાલિત એક મોટા સોશિયલ મીડિયા નેટવર્કનો પર્દાફાશ થયો છે. આ નેટવર્કનો હેતુ ભારતના ડિજિટલ સ્પેસમાં ઘૂસણખોરી કરી, ઉશ્કેરણીજનક કન્ટેન્ટ ફેલાવીને કાશ્મીર ખીણમાં સાંપ્રદાયિક હિંસા અને નફરત ફેલાવવાનો છે. આ ‘બેડરૂમ જિહાદી’ પરંપરાગત હથિયારોની જગ્યાએ સ્માર્ટફોન અને કોમ્પ્યુટરનો ઉપયોગ કરીને સાયબર યુદ્ધ ચલાવે છે.

આ ખતરો સૌપ્રથમ 2017માં સામે આવ્યો હતો, પરંતુ 2019માં જમ્મુ-કાશ્મીરમાં ધારા 370 નાબૂદ થયા બાદ આ પ્રવૃત્તિઓ પર થોડો અંકુશ આવ્યો હતો. જોકે, ગયા વર્ષે યોજાયેલી વિધાનસભા ચૂંટણીઓ બાદ આ જિહાદીઓ ફરી સક્રિય થયા છે. તાજેતરની તપાસમાં હજારો સોશિયલ મીડિયા પોસ્ટ, નિવેદનો અને પર્સનલ મેસેજનું વિશ્લેષણ કરવામાં આવ્યું, જેમાં પાકિસ્તાનથી જોડાયેલા આતંકી સમૂહો અને હેન્ડલર્સ સાથે સીધો સંબંધ જોવા મળ્યો.

આ ‘બેડરૂમ જિહાદી’ એક ક્લિકથી અફવાઓ ફેલાવી, યુવાનોના મન પર અસર કરે છે અને સાંપ્રદાયિક વિભાજનનું કારણ બને છે. એક અધિકારીએ જણાવ્યું, “આ લોકો બેડ કે સોફા પર બેસીને હજારો ચેટ ગ્રૂપ્સમાં ફેક ન્યૂઝ ફેલાવી શકે છે, જેનાથી આખું રાજ્ય રમખાણોમાં ડૂબી શકે છે.” સુરક્ષા દળો હવે આ નવા પ્રકારના સાયબર આતંક સામે લડવા માટે નવી રણનીતિ ઘડી રહ્યા છે, જેથી આવા છુપાયેલા દુશ્મનોનો સામનો કરી શકાય.

આ પણ વાંચો-જાપાની એન્સેફેલાઇટિસનું ભારતમાં પુનરાગમન, MPમાં 6 વર્ષના બાળકનું મૃત્યુ, જાણો લક્ષણો અને બચાવના ઉપાય