અકસ્માત બાદ હાથરસ પહોંચ્યા CM યોગી, હોસ્પિટલમાં ઇજાગ્રસ્તોને મળ્યા, 121 લોકોએ ગુમાવ્યા છે જીવ

ઉત્તર પ્રદેશના મુખ્યમંત્રી યોગી આદિત્યનાથ હાથરસ પહોંચ્યા છે. અહીં તે સત્સંગ દરમિયાન નાસભાગમાં જીવ ગુમાવનારા લોકોના પરિવારોને મળી રહ્યાં છે. CM યોગી આદિત્યનાથે હાથરસ પોલીસ લાઈન્સ ખાતે પરિસ્થિતિનો તાગ મેળવ્યા બાદ સરકારી હોસ્પિટલમાં નાસભાગની ઘટનામાં ઈજાગ્રસ્તોને મળ્યા હતા. ઇજાગ્રસ્તોની ખબર-અંતર પૂછી રહ્યાં છે.. સત્સંગ દરમિયાન થયેલી નાસભાગમાં અત્યાર સુધીમાં 121 લોકોના મોત થયા છે, જ્યારે 28 લોકો ગંભીર રીતે ઘાયલ થયા છે.

મૃતકોના પરિવારજનોને 2-2 લાખની સહાયની જાહેરાત

આ ઘટના પર દુઃખ વ્યક્ત કરતા ઉત્તર પ્રદેશના મુખ્યમંત્રી યોગી આદિત્યનાથે અધિકારીઓને રાહત કાર્યમાં ઝડપ લાવવાના નિર્દેશ આપ્યા છે. મુખ્યમંત્રીએ હાથરસ જિલ્લામાં થયેલા અકસ્માતની નોંધ લીધી હતી. તેમણે મૃતકોના શોકગ્રસ્ત પરિવારો પ્રત્યે સંવેદના વ્યક્ત કરી છે. યોગી આદિત્યનાથે મૃતકોના પરિવારજનોને આર્થિક મદદ માટે 2-2 લાખ રૂપિયા આપવાની જાહેરાત કરી છે.

આ પણ વાંચો - એર ઈન્ડિયા એક્સપ્રેસે 200 ક્રૂ મેમ્બર વિરુદ્ધ તપાસ પ્રક્રિયા કરી સ્થગિત.. બીમારીના બહાને રજા પર જવાનો હતો આરોપ