India-Canada Tensions News: કેનેડા સામે ભારતનું સખત કડક વલણ, કેનેડિયન નાગરિકો માટે વિઝા સર્વિસ કરી સ્થગિત

India-Canada Tensions News: ભારત અને કેનેડા વચ્ચેના સંબંધોમાં તણાવ વધુ વધી રહ્યો છે. તાજેતરમાં જ બંને દેશોના રાજદ્વારીઓને સસ્પેન્ડ કરવામાં આવ્યા હતા. બંને દેશો વચ્ચે વધી રહેલા તણાવ વચ્ચે ભારતે કેનેડિયનો માટે વિઝા સેવાઓ સ્થગિત કરી દીધી છે. ભારતે કેનેડિયન નાગરિકો માટે વિઝા સેવાઓ અનિશ્ચિત સમય માટે સ્થગિત કરી દીધી છે. આનો અર્થ એ થયો કે હવે કેનેડાના નાગરિકોને આગામી આદેશ સુધી ભારતના વિઝા નહીં મળે. ગયા અઠવાડિયે જ ટ્રુડો જી-20માં ભાગ લેવા ભારત આવ્યા હતા. કેનેડાના વડાપ્રધાન જસ્ટિન ટ્રુડોએ આરોપ લગાવ્યો છે કે ખાલિસ્તાની આતંકવાદી હરદીપ સિંહ નિજ્જરની હત્યા પાછળ ભારત સરકારનો હાથ હોઈ શકે છે.

નિજ્જરની હત્યામાં ભારતની ભૂમિકાની તપાસને ધ્યાનમાં રાખીને કેનેડાએ ભારતના ટોચના રાજદ્વારીને પણ હાંકી કાઢ્યા છે. ભારતે પણ દિલ્હીમાં કેનેડિયન હાઈ કમિશનને બોલાવીને અને વરિષ્ઠ રાજદ્વારીને હાંકી કાઢીને જવાબ આપ્યો.

કેનેડાના વડાપ્રધાન જસ્ટિન ટ્રુડોએ મંગળવારે કહ્યું કે તેઓ ભારતને ઉશ્કેરવા કે તણાવ વધારવા માંગતા નથી. જો કે, તેમણે નવી દિલ્હીને શીખ અલગતાવાદી નેતાની હત્યાને ગંભીરતાથી લેવા વિનંતી કરી. જૂનમાં ખાલિસ્તાની આતંકવાદી નિજ્જરની હત્યામાં ભારતની સંભવિત સંડોવણી અંગે ટ્રુડોના આરોપોને ટાંકીને કેનેડાએ એક ભારતીય અધિકારીને હાંકી કાઢ્યાના કલાકો પછી ભારતે મંગળવારે કેનેડિયન રાજદ્વારીને હાંકી કાઢવાની જાહેરાત કરી હતી.

ટ્રુડોનું નિવેદન ભારતની જવાબી કાર્યવાહી બાદ આવ્યું છે. કેનેડાના વડા પ્રધાને કહ્યું કે ભારત સરકારે આ બાબતને ખૂબ જ ગંભીરતાથી લેવાની જરૂર છે. તેમણે કહ્યું કે અમે આ કરી રહ્યા છીએ. અમે ઉશ્કેરણી કે તણાવ વધારવાનો પ્રયાસ નથી કરી રહ્યા. ટ્રુડોએ કહ્યું કે અમે ભારત સરકાર સાથે મળીને દરેક બાબતની સ્પષ્ટતા કરવા અને યોગ્ય પ્રક્રિયા સુનિશ્ચિત કરવા ઈચ્છીએ છીએ.