Budget 2026 : કેન્સર-ડાયાબિટીસ જેવી ગંભીર બીમારીઓ સામે જંગ! સરકારે લોન્ચ કરી 'બાયોફાર્મા શક્તિ' યોજના, 10,000 કરોડનું ફંડ જાહેર

Budget 2026 : કેન્દ્રીય નાણામંત્રી નિર્મલા સીતારમણે આજે રવિવારે લોકસભામાં દેશનું બજેટ 2026-27 રજૂ કર્યું છે. પોતાના સતત નવમા બજેટ ભાષણમાં તેમણે ભારતીય અર્થવ્યવસ્થાની સાથે સાથે દેશના સ્વાસ્થ્ય માળખાને મજબૂત કરવા પર મોટો ભાર મૂક્યો છે. સ્વાસ્થ્ય ક્ષેત્રે ક્રાંતિ લાવવા માટે નાણામંત્રીએ એક નવી અને મહત્વકાંક્ષી યોજના 'બાયોફાર્મા શક્તિ' (Biopharma Shakti) ની જાહેરાત કરી છે.

10,000 કરોડનું જંગી રોકાણ

આ યોજના માટે સરકારે 10,000 કરોડ રૂપિયા નું મોટું ફંડ ફાળવ્યું છે. આ ફંડનો મુખ્ય ઉપયોગ રિસર્ચ અને ડેવલપમેન્ટ (R&D) એટલે કે સંશોધન પાછળ કરવામાં આવશે. અત્યાર સુધી ભારત જેનરિક દવાઓ (સસ્તી કોપી) બનાવવામાં તો આગળ હતું જ, પણ હવે સરકાર ઈચ્છે છે કે ભારત નવી અને જટિલ (Complex) દવાઓ બનાવવામાં પણ 'આત્મનિર્ભર' બને.

શા માટે પડી આ યોજનાની જરૂર?

નાણામંત્રીએ સંસદમાં જણાવ્યું કે ભારતમાં હવે બીમારીઓની પેટર્ન બદલાઈ રહી છે. પહેલા મેલેરિયા કે કોલેરા જેવી ચેપી બીમારીઓ વધારે હતી, પણ હવે લાઈફસ્ટાઈલને લગતી બીમારીઓ ચિંતાજનક રીતે વધી રહી છે. દેશમાં કેન્સર, ડાયાબિટીસ અને ઓટો-ઇમ્યુન જેવા રોગોના કેસ ઝડપથી વધી રહ્યા હોવાથી આ પગલું ભરવું અત્યંત જરૂરી હતું.

આ ત્રણ બીમારીઓ પર રહેશે સરકારનું ફોકસ

ડાયાબિટીસ (Diabetes): ભારતને દુનિયાની 'ડાયાબિટીસ કેપિટલ' કહેવામાં આવે છે. દર્દીઓની મોટી સંખ્યાને જોતા અહીં સસ્તા અને સારા ઈલાજની તાતી જરૂરિયાત છે.