Budget 2026: પરિણીત યુગલો માટે ખુશખબર! મોદી સરકાર આપી શકે છે મોટું 'ટેક્સ ગિફ્ટ', જાણો શું છે જોઈન્ટ ટેક્સેશન સિસ્ટમ

Budget 2026: મોદી સરકાર આગામી યુનિયન બજેટ 2026 પહેલા મિડલ ક્લાસ અને ખાસ કરીને પરિણીત કરદાતાઓ માટે એક મોટી યોજના બનાવી રહી છે. મીડિયા રિપોર્ટ્સ અનુસાર, નાણાં મંત્રાલય એક 'ઓપ્શનલ જોઈન્ટ ટેક્સેશન સિસ્ટમ' શરૂ કરવા પર વિચાર કરી રહ્યું છે. સરળ ભાષામાં કહીએ તો, આ સિસ્ટમ હેઠળ પતિ અને પત્ની બંનેને મળીને એક જ ઈન્કમ ટેક્સ રિટર્ન ભરવાની છૂટ મળી શકે છે.

આ પ્રસ્તાવનો સૌથી મોટો ફાયદો એવા પરિવારોને થશે જેમાં કમાનાર સભ્ય માત્ર એક જ છે જેમ કે માત્ર પતિ નોકરી કરે છે અને પત્ની ગૃહિણી છે. અત્યાર સુધી આવા પરિવારોમાં કમાનાર વ્યક્તિ પર ટેક્સનો બોજ વધારે રહેતો હતો, પરંતુ નવી સિસ્ટમથી તેમને મોટી રાહત મળી શકે છે.

અત્યારે શું છે ટેક્સના નિયમો?

હાલની ભારતની ટેક્સ સિસ્ટમ મુજબ, વ્યક્તિ પરિણીત હોય કે અપરણિત, ટેક્સના નિયમો બધા માટે સરખા છે. પતિ અને પત્ની બંને અલગ-અલગ વ્યક્તિ ગણાય છે અને બંનેના અલગ PAN કાર્ડ હોય છે. બંનેએ પોતાની આવક પર અલગ-અલગ ટેક્સ ભરવો પડે છે અને છૂટ પણ અલગ મળે છે. સમસ્યા ત્યાં આવે છે જ્યારે પત્નીની કોઈ આવક નથી હોતી. આવા કેસમાં પત્નીને મળતી બેઝિક ટેક્સ છૂટની લિમિટનો ઉપયોગ થઈ શકતો નથી અને તે વ્યર્થ જાય છે.

ICAI અને વિદેશી મોડલનું સૂચન

આ સમસ્યાને ઉકેલવા માટે ઇન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા (ICAI) એ સરકારને સૂચન કર્યું છે કે ભારતમાં પણ જોઈન્ટ ટેક્સ ફાઈલિંગનો વિકલ્પ હોવો જોઈએ. અમેરિકા અને જર્મની જેવા વિકસિત દેશોમાં આ સિસ્ટમ પહેલેથી જ લાગુ છે, જ્યાં આખા પરિવારને એક 'સિંગલ ઈકોનોમિક યુનિટ' ગણવામાં આવે છે. આનાથી પરિવાર પરનો કુલ ટેક્સ બોજ ઘટી જાય છે.

જોઈન્ટ ટેક્સેશનથી શું ફાયદા થશે?