Budget Expectations: શું ઈન્ફ્રાસ્ટ્રક્ચર પર ફરી લાગશે મોટો દાવ? જાણો ‘વિકસિત ભારત’નો માસ્ટરપ્લાન

Union Budget 2026: કોઈપણ દેશની પ્રગતિનો આધાર તેના ઈન્ફ્રાસ્ટ્રક્ચર એટલે કે પાયાના માળખા પર રહેલો હોય છે. તેને અર્થવ્યવસ્થાની ‘કરોડરજ્જુ’ માનવામાં આવે છે. મોદી સરકારે વર્ષ 2047 સુધીમાં ભારતને ‘વિકસિત ભારત’ બનાવવાનો મહત્વાકાંક્ષી લક્ષ્યાંક રાખ્યો છે. આ સપનાને પૂરું કરવામાં ઈન્ફ્રાસ્ટ્રક્ચર સેક્ટરની ભૂમિકા સૌથી મહત્વની સાબિત થવાની છે. તેથી જ આગામી બજેટ 2026થી આ સેક્ટરને ઘણી મોટી આશાઓ છે.

બજેટમાં રોકાણનો વ્યાપ વધવાની શક્યતા

સરકારે ગયા બજેટમાં ઈન્ફ્રાસ્ટ્રક્ચર સેક્ટર માટે 11.11 લાખ કરોડ રૂપિયા ખર્ચવાનું નક્કી કર્યું હતું. નિષ્ણાતોનું માનવું છે કે, વિકસિત ભારતના લક્ષ્યને પહોંચી વળવા માટે આ વખતે આ રકમમાં મોટો વધારો થઈ શકે છે. એવી પ્રબળ શક્યતા છે કે આ બજેટમાં આ રકમ વધારીને 13થી 15 લાખ કરોડ રૂપિયા કરવામાં આવે.

જ્યારે સરકાર રસ્તાઓ, પુલો અને રેલવે જેવા પ્રોજેક્ટ્સ પર વધુ પૈસા ખર્ચે છે, ત્યારે સીધો ફાયદો સિમેન્ટ, સ્ટીલ અને અન્ય કન્સ્ટ્રક્શન મટીરીયલ ઉદ્યોગોને થાય છે. આના કારણે લેબરની માંગ વધશે અને દેશમાં રોજગારના નવા અવસરો પેદા થશે.

રેલવેનું થશે આધુનિકીકરણ

આ બજેટમાં સામાન્ય મુસાફરો માટે રેલવે સેક્ટર પર ખાસ ધ્યાન આપવામાં આવે તેવી વકી છે. ઈન્ફ્રાસ્ટ્રક્ચર સેક્ટર ઈચ્છે છે કે સરકાર 400 થી 500 નવી ‘વંદે ભારત’ અને ‘અમૃત ભારત’ ટ્રેનો માટે વિશેષ ફંડ જાહેર કરે. આ ઉપરાંત, જૂના રેલવે સ્ટેશનોને એરપોર્ટ જેવી સુવિધાઓથી સજ્જ કરવાના કામમાં તેજી લાવવામાં આવશે. મુંબઈ-અમદાવાદ બુલેટ ટ્રેન પ્રોજેક્ટના વિસ્તરણ અને દિલ્હી-વારાણસી જેવા નવા રૂટ માટે પણ બજેટમાં મોટી જાહેરાતો થઈ શકે છે.

‘પીએમ ગતિ શક્તિ’ અને સસ્તું ટ્રાન્સપોર્ટ