Budget 2025: શું સામાન્ય માણસને મોંઘી સારવારથી મળશે રાહત, જાણો બજેટ પાસેથી હેલ્થ સેક્ટરને શું છે અપેક્ષાઓ?

Budget 2025: કેન્દ્રીય નાણાં પ્રધાન નિર્મલા સીતારમણ 1 ફેબ્રુઆરી, 2025ના રોજ નાણાકીય વર્ષ 2025-26 માટે દેશનું બજેટ રજૂ કરશે. આ નિર્મલા સીતારમણનું 8મું બજેટ હશે. પીએમ નરેન્દ્ર મોદી ત્રીજી વખત વડા પ્રધાન બન્યા પછી આ બીજું બજેટ હશે. જૂન 2024માં તેમના સાથી પક્ષો સાથે સરકાર બનાવ્યા પછી, પીએમ મોદીના ત્રીજા કાર્યકાળનું પહેલું પૂર્ણ બજેટ ગયા વર્ષે જુલાઈમાં રજૂ કરવામાં આવ્યું હતું. દર વખતની જેમ આ વખતે પણ તમામ ક્ષેત્રોને આ બજેટથી ઘણી અપેક્ષાઓ છે. આ બજેટથી હેલ્થ સેક્ટરને ઘણી અપેક્ષાઓ છે. એક તરફ સામાન્ય માણસ મોંઘા ઉપચારમાંથી રાહત ઇચ્છે છે, તો બીજી તરફ હોસ્પિટલો અને દવા કંપનીઓ પોતાની કમાણી વધારવા માંગે છે.

હેલ્થ સેક્ટર: સારી સેવાઓ અને બજેટમાં વધારાની માંગ

દેશની પ્રાઇવેટ હોસ્પિટલો GSTમાંથી રાહત ઇચ્છે છે જેથી તેમની આવક વધી શકે અને સારવારનો ખર્ચ ઓછો થઈ શકે. પ્રાઇવેટ હોસ્પિટલના ડોક્ટર્સે જણાવ્યું હતું કે સારવારનો ખર્ચ ઘટાડવા માટે ભારતમાં આરોગ્યસંભાળ સેવાઓ પર ઇનપુટ જીએસટી ઘટાડવો જોઈએ. ડોક્ટર્સ જણાવે છે કે વીમા પ્રીમિયમ અને ક્લેમ વચ્ચે ઘણો તફાવત હોય છે, જેને ઘટાડવો ખૂબ જ મહત્વપૂર્ણ છે. તેમનું કહેવું છે કે સરકારે આ તરફ ધ્યાન આપવું જોઈએ અને સુધારાત્મક પગલાં લેવા જોઈએ.

જાહેર આરોગ્ય સુવિધાઓનું બજેટ વધારવાની માંગ