Year Ender 2024: આ વર્ષે, આ 10 IPOએ ઇન્વેસ્ટર્સને કર્યા માલામાલ, લિસ્ટિંગના દિવસે જ આપ્યું બમ્પર રિટર્ન

Year Ender 2024: જો આપણે કહીએ કે વર્ષ 2024 IPOના નામે રહ્યું તો કંઈ ખોટું નહીં હોય. આ વર્ષે ઘણા બધા IPO આવ્યા અને તેમાંથી મોટાભાગના ઇન્વેસ્ટર્સને બેસ્ટ રિટર્ન આપ્યું છે. આ વર્ષે SME IPOનું પૂર આવ્યું હતું. ભારતીય કંપનીઓએ વર્ષ 2024માં IPO દ્વારા અત્યાર સુધીમાં રેકોર્ડબ્રેક 1.6 લાખ કરોડ રૂપિયા એકત્ર કર્યા છે. તેમાં હ્યુન્ડાઈ મોટર ઈન્ડિયાનો રુપિયા 27,870 કરોડનો IPO પણ સામેલ છે. ભારતીય ઈતિહાસનો આ સૌથી મોટો IPO છે. આજે અમે તમને જણાવવા જઈ રહ્યા છીએ કે 2024ના ટોપ-10 IPO કયા છે, જેમણે તેમના ડેબ્યૂમાં સારું પર્ફોમન્સ કર્યું હતું. તેમાં મેઈનબોર્ડ અને એસએમઈ IPO બંનેનો સમાવેશ થાય છે.

વિભોર સ્ટીલ ટ્યુબ્સ લિમિટેડ

વિભોર સ્ટીલ ટ્યુબ્સ 195.53%ના લિસ્ટિંગ ગેઇન સાથે ડેબ્યૂ કર્યું હતું. તે રુપિયા 151 પર રજૂ કરવામાં આવ્યું હતું અને 446.25 પર બંધ થયો હતો. કંપનીએ IPOમાંથી 72.17 કરોડ એકત્ર કર્યા હતા. આ IPO 320.05 વખત ઓવરસબ્સ્ક્રાઇબ થયો હતો.

BLS ઇ-સર્વિસીસ લિમિટેડ

આ શેરે લિસ્ટિંગના દિવસે ઇન્વેસ્ટર્સને 171.11% નો નફો આપ્યો હતો. તેનો શેર 135ની ઈશ્યૂ કિંમતની સરખામણીમાં 366 પર બંધ થયો હતો. આ IPO 162.38 વખત ઓવરસબ્સ્ક્રાઇબ થયો હતો. કંપનીએ IPOમાંથી રુપિયા 310.91 કરોડ એકત્ર કર્યા હતા.

બજાજ હાઉસિંગ ફાઇનાન્સ લિમિટેડ

બજાજ હાઉસિંગ ફાઇનાન્સે લિસ્ટિંગના દિવસે 135.71%નો નફો આપ્યો હતો. લિસ્ટિંગના દિવસે તેનો શેર 70ની ઈશ્યૂ કિંમતની સરખામણીમાં 165 પર બંધ થયો હતો. તેને કુલ 4.42 લાખ કરોડનું સબસ્ક્રિપ્શન મળ્યું હતું.