Jammu: વૈષ્ણોદેવી ભવન માર્ગ પર અકસ્માત, ભૂસ્ખલનમાં 3 લોકોના મોત, અનેક શ્રદ્ધાળુઓ ફસાયા હોવાની આશંકા

Jammu: શ્રી માતા વૈષ્ણો દેવી ભવન રોડ પર એક અકસ્માત થયો છે. પંછી હેલિપેડ પાસે ભૂસ્ખલનને કારણે ત્રણ લોકોના મોતના અહેવાલ છે. અકસ્માતમાં અનેક શ્રદ્ધાળુઓ ફસાયા હોવાની આશંકા છે. માતા વૈષ્ણોદેવી શ્રાઈન બોર્ડ દ્વારા રાહત અને બચાવ કાર્ય ચાલી રહ્યું છે.

માતા વૈષ્ણોદેવી શ્રાઈન બોર્ડના સીઈઓનું નિવેદન

શ્રી માતા વૈષ્ણો દેવી શ્રાઈન બોર્ડના સીઈઓએ કહ્યું કે શ્રી માતા વૈષ્ણો દેવી શ્રાઈન ટ્રેક પર પથ્થર પડવા અને ભૂસ્ખલનની ઘટના બની છે. શ્રી માતા વૈષ્ણોદેવી શ્રાઈન બોર્ડની ડિઝાસ્ટર મેનેજમેન્ટ ટીમ ઘટનાસ્થળે પહોંચી ગઈ છે. વધુ વિગતોની રાહ જોવાઈ રહી છે.