Coronavirus Updates: ફરી વકર્યો! દેશમાં એક દિવસમાં 1573 નવા કેસ, એક્ટિવ કેસ 10000ને પાર

Coronavirus Updates: ભારતમાં કોરોના સંક્રમણની ગતિ ફરી વધવા લાગી છે. દેશમાં એક જ દિવસમાં 1573 નવા કેસ નોંધાયા છે. દેશમાં સંક્રમિત દર્દીઓની કુલ સંખ્યા વધીને 4,47,07,525 થઈ ગઈ છે. કેન્દ્રીય સ્વાસ્થ્ય મંત્રાલયના ડેટામાંથી મળેલી માહિતી અનુસાર દેશમાં એક્ટિવ કેસની સંખ્યા વધીને 10,981 થઈ ગઈ છે. છેલ્લા 24 કલાકમાં કોરોના સંક્રમણને કારણે 4 લોકોના મોત થયા છે. આ તમામ લોકો કેરળના રહેવાસી છે. કોરોના સંક્રમણને કારણે અત્યાર સુધીમાં 5,30,841 લોકોના મોત થયા છે.

તે જ સમયે, રોજના પોઝિટિવિટી રેટ 1.30 ટકા નોંધવામાં આવ્યો છે. જ્યારે સાપ્તાહિક પોઝિટિવિટી રેટ 1.47 ટકા નોંધવામાં આવ્યો છે. સોમવારે દેશમાં એક્ટિવ કેસની સંખ્યા વધીને 10,300 થઈ ગઈ હતી.

રિકવરી રેટ 98.79 ટકા

હાલમાં, એક્ટિવ કેસ કુલ ચેપગ્રસ્ત દર્દીઓના 0.02 ટકા છે. તે જ સમયે, કોરોનામાંથી રિકવરી રેટ 98.79 ટકા પર પહોંચી ગયો છે. અત્યાર સુધીમાં કુલ 4,41,65,703 કોરોના સંક્રમિત દર્દીઓ સ્વસ્થ થઈને તેમના ઘરે ગયા છે. મૃત્યુ દર 1.19 ટકા નોંધાયો છે. બીજી તરફ રસીકરણના મામલામાં દેશભરમાં અત્યાર સુધીમાં 220.65 કરોડ ડોઝ આપવામાં આવ્યા છે. છેલ્લા 24 કલાકમાં 1,20,958 લોકોની તપાસ કરવામાં આવી છે. અત્યાર સુધીમાં કુલ 92.11 કરોડ લોકોનું સ્ક્રીનિંગ કરવામાં આવ્યું છે.