PM Modi Israel Visit: ઈઝરાયેલ પહોંચ્યા પીએમ મોદી, નેતન્યાહુએ ગળે મળીને કર્યું સ્વાગત, જાણો મિનિટ-ટુ-મિનિટ કાર્યક્રમ

PM Modi Israel Visit: ભારતના વડાપ્રધાન નરેન્દ્ર મોદી બુધવારે પોતાની ઐતિહાસિક મુલાકાત માટે ઈઝરાયેલ પહોંચી ગયા છે. તેલ અવીવના બેન-ગુરિયન એરપોર્ટ પર પીએમ મોદીનું વિમાન લેન્ડ થયું ત્યારે એક ખાસ નજારો જોવા મળ્યો હતો. પ્રોટોકોલ તોડીને ઈઝરાયેલના પ્રધાનમંત્રી બેન્જામિન નેતન્યાહુ અને તેમના પત્ની સારા નેતન્યાહુ સ્વાગત માટે એરપોર્ટ પર હાજર રહ્યા હતા.

બંને નેતાઓ એકબીજાને ખૂબ જ ઉષ્માભેર અને ખુશીથી ગળે મળ્યા હતા. આ દ્રશ્ય ભારત અને ઈઝરાયેલ વચ્ચેની મજબૂત મિત્રતાની સાબિતી આપે છે. એરપોર્ટ પર પીએમ મોદીના સન્માનમાં ભારતનું રાષ્ટ્રગીત પણ વગાડવામાં આવ્યું હતું. આ મુલાકાત પર આખી દુનિયાની નજર છે, કારણ કે મોદી 9 વર્ષ બાદ ઈઝરાયેલ ગયા છે.

પીએમ મોદીની મુલાકાતનો સંપૂર્ણ કાર્યક્રમ

ઈઝરાયેલના પ્રધાનમંત્રી કાર્યાલયે પીએમ મોદીના આ પ્રવાસનો વિગતવાર કાર્યક્રમ જાહેર કર્યો છે, જે નીચે મુજબ છે:

એરપોર્ટ પર સ્વાગત અને બેઠક: બેન્જામિન નેતન્યાહુ અને તેમના પત્નીએ એરપોર્ટ પર સ્વાગત કર્યા બાદ, બંને નેતાઓ વચ્ચે એક પ્રાઈવેટ મીટિંગ યોજાશે.

સંસદમાં સ્વાગત: ત્યારબાદ પીએમ નેતન્યાહુ અને પીએમ મોદી ઈઝરાયેલની સંસદ 'નેસેટ' જશે. ત્યાં ભારતીય વડાપ્રધાનનું સત્તાવાર સ્વાગત સમારોહ યોજાશે.

ભાષણ અને ઈનોવેશન: નેસેટમાં ભાષણ આપ્યા બાદ, બંને નેતાઓ જેરુસલેમમાં એક ઈનોવેશન કાર્યક્રમની મુલાકાત લેશે.