Internet Speed: આવી ગયું છે વિશ્વનું સૌથી ઝડપી ઇન્ટરનેટ નેટવર્ક, માત્ર એક સેકન્ડમાં 150 HD મૂવી થઇ શકશે ડાઉનલોડ

Internet Speed: ચીને વિશ્વનું સૌથી ઝડપી ઇન્ટરનેટ નેટવર્ક લોન્ચ કર્યું છે. ચાઈનીઝ કંપનીઓનું આ વિશ્વનું સૌથી ઝડપી ઈન્ટરનેટ પ્રતિ સેકન્ડ 1.2 ટેરાબીટ ડેટા ટ્રાન્સમિટ કરી શકે છે. આ ઈન્ટરનેટ સ્પીડ વિશ્વની સૌથી ઝડપી નેટવર્ક સ્પીડ કરતા દસ ગણી ઝડપી છે.

ઈન્ટરનેટ સ્પીડમાં ચીને બધાને પાછળ છોડ્યા

ચીનની કંપનીઓએ વિશ્વનું સૌથી ઝડપી ઇન્ટરનેટ વિકસાવીને અમેરિકાને પાછળ છોડી દીધું છે. ચીનની આ નવી વિકસિત સ્પીડ 1.2 ટેરાબિટ પ્રતિ સેકન્ડની ઝડપે ડેટા ટ્રાન્સમિટ કરી શકે છે. આ સ્પીડ મોટાભાગના હાલના મોટા ઈન્ટરનેટ રૂટ કરતાં દસ ગણી ઝડપી હોવાનું કહેવાય છે. આ પ્રોજેક્ટ સિંઘુઆ યુનિવર્સિટી, ચાઇના મોબાઇલ, હુવેઇ ટેક્નોલોજીસ અને સર્નેટ કોર્પોરેશન વચ્ચેના સહયોગ દ્વારા વિકસાવવામાં આવ્યો છે. 3,000 કિલોમીટરથી વધુ ફેલાયેલું, નેટવર્ક બેઇજિંગ, વુહાન અને ગુઆંગઝુને વ્યાપક ઓપ્ટિકલ ફાઇબર કેબલિંગ સિસ્ટમ દ્વારા જોડે છે. તે 1.2 ટેરાબિટ્સ (1,200 ગીગાબિટ્સ) પ્રતિ સેકન્ડે ડેટા ટ્રાન્સમિટ કરવાની ક્ષમતા ધરાવે છે. વિશ્વના મોટાભાગના ઈન્ટરનેટ બેકબોન નેટવર્ક માત્ર 100 ગીગાબીટ પ્રતિ સેકન્ડના દરે કાર્ય કરે છે. યુએસએ તાજેતરમાં 400 ગીગાબીટ્સ પ્રતિ સેકન્ડના દરે તેની 5th જનરેશનના ઈન્ટરનેટ2 પર પરિવર્તન પર કામ પૂર્ણ કર્યું છે. પરંતુ આ ચાઈનીઝ નેટ વિશ્વની અન્ય સિસ્ટમો કરતા દસ ગણી ઝડપી અને યુએસની અત્યાર સુધીની સૌથી ઝડપી નેટ કરતા ત્રણ ગણી ઝડપી છે.

આ એક ફ્યુચર ટેક્નોલોજીનો એક મહત્વપૂર્ણ ભાગ