Vande Bharat Express Fire: ભોપાલ-દિલ્હી વંદે ભારત એક્સપ્રેસ ટ્રેનમાં લાગી આગ, તમામ મુસાફરો સુરક્ષિત, જુઓ વીડિયો

Vande Bharat Express Fire: મધ્યપ્રદેશની રાજધાની ભોપાલથી નવી દિલ્હી જઈ રહેલી વંદે ભારત એક્સપ્રેસ ટ્રેનના કોચના બેટરી બોક્સમાં સોમવારે સવારે આગ ફાટી નીકળી હતી. હાલ આગ પર કાબુ મેળવી લેવામાં આવ્યો છે. ખરાબ બેટરીઓ દૂર કરવામાં આવી છે. તપાસમાં માલૂમ પડ્યું કે બેટર બોક્સ અન્ડરગિયરમાં હતું.

પશ્ચિમ મધ્ય રેલ્વેએ સોમવારે સવારે મધ્ય પ્રદેશના કુરવાઈ કેથોરા સ્ટેશન પર વંદે ભારત એક્સપ્રેસ ટ્રેનના કોચમાં આગ લાગવાની જાણ કરી હતી. રેલવેના એક વરિષ્ઠ અધિકારીએ સમાચાર એજન્સી પીટીઆઈને જણાવ્યું કે આ ઘટનામાં કોઈને ઈજા થઈ નથી. કોચમાં 20-22 મુસાફરો હતા અને તેમને તાત્કાલિક બીજા કોચમાં ખસેડવામાં આવ્યા હતા.

રાણી કમલાપતિ-હઝરત નિઝામુદ્દીન વંદે ભારત ટ્રેનને વિદિશા જિલ્લાના કુરવાઈ અને કૈથોરા સ્ટેશનો વચ્ચે તરત જ અટકાવી દેવામાં આવી હતી કારણ કે કેટલાક રેલ્વે કર્મચારીઓએ સવારે 6.45 વાગ્યે C-12 કોચના બેટરી બોક્સમાં આગની જાણ કરી હતી, અધિકારીએ જણાવ્યું હતું કે આગને તાત્કાલિક કાબૂમાં લેવામાં આવી હતી. તેમણે કહ્યું કે રેલવે કર્મચારીઓ રિપેરિંગ કામ કરી રહ્યા છે.

કોચના ટ્રાફિક અને પેવર બ્લોકને તપાસ માટે મોકલવામાં આવ્યા છે. થોડા સમય બાદ ટ્રેન રવાના કરવામાં આવશે. અધિકારીઓએ જણાવ્યું કે આગ લાગતાની સાથે જ બેટરીઓ ટ્રેનમાંથી તુરંત જ ડિસ્કનેક્ટ થઈ ગઈ હતી. ગયા અઠવાડિયે અન્ય એક ઘટનામાં, ચેન્નાઈ નજીક વંદે ભારત એક્સપ્રેસ ટ્રેન પર પથ્થરમારો કરવામાં આવ્યો હતો. મૈસૂર જતી ટ્રેનમાં સવાર મુસાફરોએ અધિકારીઓને તૂટેલી બારીઓ વિશે જાણ કરી હતી.