ભારતીય કંપનીઓને નથી મળી રહ્યા AI સહિત આ સ્કીલ્સ ધરાવતા લોકો, HR પ્રોફેશનલ્સ કરી રહ્યા છે એક મોટા પડકારનો સામનો

ભારતીય કંપનીઓ માટે જનરેટિવ AI એક મહત્વપૂર્ણ વ્યવસાયિક આવશ્યકતા બની ગઈ છે અને મોટાભાગની વ્યાપારિક દિગ્ગજો AIને પ્રાથમિકતા આપી રહી છે. એક રિપોર્ટમાંથી આ વાત સામે આવી છે. જોકે, આ કંપનીઓ માટે ટેકનોલોજીની સંપૂર્ણ કેપેસિટીનો ઉપયોગ કરવા માટે યોગ્ય AI અને સંબંધિત સ્કીલ ધરાવતા વ્યાવસાયિકો શોધવા એ એક મહત્વપૂર્ણ ચેલેન્જ છે, જે અંગે પ્રોફેશનલ નેટવર્કિંગ પ્લેટફોર્મ લિંક્ડઇનના એક અહેવાલમાં જણાવાયું છે. રિપોર્ટ અનુસાર, ભારતમાં લગભગ 54 ટકા HR વ્યાવસાયિકોએ જણાવ્યું હતું કે નોકરી મેળવનારા અરજદારોમાંથી માત્ર અડધા કે તેથી ઓછા લોકો પાસે બધી જરૂરી અને પસંદગીની લાયકાત છે.

આ સ્કીલ ધરાવતા લોકોની અછત

HR પ્રોફેશનલ્સ માટે સૌથી મોટો પડકાર યોગ્ય ટેકનિકલ કૌશલ્ય (61 ટકા) અને સોફ્ટ સ્કિલ (57 ટકા) ધરાવતા ઉમેદવારો શોધવાનો છે. "ભારતમાં સૌથી મુશ્કેલ સ્કીલ્સમાં સોફ્ટવેર ડેવલપમેન્ટ, એન્જિનિયરિંગ (44 ટકા), AI સ્કીલ (34 ટકા) અને કોમ્યુનિકેશન અને પ્રોબ્લેમ સોલ્વિંગ (33 ટકા) જેવી ટેકનિકલ/IT સ્કીલ્સનો સમાવેશ થાય છે," રિપોર્ટમાં જણાવાયું છે. રોજગાર માટે લાયક ઉમેદવારોની આ અછત કંપનીઓને તેમની રિક્રૂટમેન્ટ પ્રોસેસઓમાં વધુને વધુ સિલેક્ટેડ બનવાની ફરજ પાડી રહી છે.

સિલેક્ટિવ રિક્રૂટમેન્ટ કરતી કંપનીઓ

રિપોર્ટ અનુસાર, કંપનીઓ વર્ષ 2025માં 'સિલેક્ટેડ રિક્રૂટમેન્ટ' પદ્ધતિ અપનાવી રહી છે. સિલેક્ટેડ રિક્રૂટમેન્ટ એ સંસ્થાની જરૂરિયાતોને અનુરૂપ યોગ્ય ગુણો ધરાવતા યોગ્ય લોકોની રિક્રૂટમેન્ટ અને પસંદગી કરવાની પ્રોસેસ છે. રિપોર્ટમાં કહેવામાં આવ્યું છે કે ભારતમાં અડધાથી વધુ HR વ્યાવસાયિકો ફક્ત (55 ટકા) એવા ઉમેદવારો સુધી પહોંચવાનું અને (54 ટકા) નોકરી આપવાનું વિચારશે જેઓ નોકરી માટે નિર્ધારિત લાયકાતના માપદંડોના 80 ટકા કે તેથી વધુને પૂર્ણ કરે છે. રિક્રૂટમેન્ટમાં સ્કીલ્સને પ્રાથમિકતા આપવા પર ભાર મૂકતા, LinkedIn ખાતે ટેલેન્ટ અને લર્નિંગ સોલ્યુશન્સના ઇન્ડિયા હેડ, રુચિ આનંદે જણાવ્યું હતું કે, “AI આપણે પ્રતિભાઓને વિકસાવવાની રીત બદલી રહ્યું છે, પરંતુ વાસ્તવિક પડકાર એ છે કે AI ને વ્યવસાય માટે કાર્યક્ષમ બનાવવું. ઘણીવાર, કંપનીઓ યોગ્ય પ્રતિભા વિના AI ટૂલ્સમાં રિસોર્સનું રોકાણ કરે છે, અને ગેમ ચેન્જિંગ તકનો લાભ લેવામાં નિષ્ફળ જાય છે. તેમણે કહ્યું, “આ સાઇકલમાંથી બહાર નીકળવા માટે, કંપનીઓએ સ્કીલને પ્રાથમિકતા આપવાની માનસિકતા સાથે રિક્રૂટમેન્ટ કરવાની જરૂર છે. AI નવીનતાને આગળ ધપાવશે, પરંતુ સર્જનાત્મકતા, કોમ્યુનિકેશન અને સહયોગ જેવા માનવ સ્કીલ્સ કંપનીઓને ખરેખર પરિવર્તનથી આગળ રહેવામાં મદદ કરશે.

આ પણ વાંચો - રોહિત શર્માએ મુંબઈમાં પોતાનો એપાર્ટમેન્ટ આપ્યો ભાડે, જાણો દર મહિને કેટલું મળશે ભાડું?