UPIમાં મોટો ફેરફાર: પિનની ઝંઝટ થશે ખતમ, હવે ફેસ કે ફિંગરપ્રિન્ટથી થશે પેમેન્ટ!

UPI biometric payment: UPI યુઝર્સ માટે ખુશખબર! હવે યુનિફાઇડ પેમેન્ટ્સ ઇન્ટરફેસ દ્વારા લેનદેન કરવા માટે પિન દાખલ કરવાની જરૂર નહીં પડે. નજીકના ભવિષ્યમાં યુઝર્સ ફેસ રેકગ્નિશન અથવા ફિંગરપ્રિન્ટ જેવી બાયોમેટ્રિક ટેક્નોલોજીનો ઉપયોગ કરીને પેમેન્ટ કરી શકશે. એક અહેવાલ મુજબ, નેશનલ પેમેન્ટ્સ કોર્પોરેશન ઓફ ઇન્ડિયા (NPCI) UPIમાં બાયોમેટ્રિક અપડેટ લાવવાની તૈયારી કરી રહ્યું છે. આનાથી પિનનો ઉપયોગ ઓપ્શનલ બનશે, એટલે કે યુઝર્સને પિન દાખલ કરવું ફરજિયાત નહીં રહે, અને તેઓ બાયોમેટ્રિકની મદદથી સરળતાથી પેમેન્ટ કરી શકશે.

સુરક્ષા અને સુવિધામાં વધારો

NPCI આ નવી સુવિધા દ્વારા UPI લેનદેનને વધુ સુરક્ષિત અને સરળ બનાવવાની યોજના ધરાવે છે. આ પગલું ખાસ કરીને પિન ચોરી અને ડિજિટલ ફ્રોડની વધતી ચિંતાઓને ધ્યાનમાં રાખીને લેવામાં આવ્યું છે. હાલમાં, ભારતમાં 80%થી વધુ ડિજિટલ લેનદેન UPI દ્વારા થાય છે, અને આ નવું અપડેટ સુરક્ષા સ્તરને વધુ મજબૂત કરશે. સૂત્રોના જણાવ્યા અનુસાર, NPCI આ બાયોમેટ્રિક ફીચર પર સક્રિયપણે કામ કરી રહ્યું છે, જે યુઝર્સને ફેસ અથવા ફિંગરપ્રિન્ટની મદદથી લેનદેનની ઓથેન્ટિકેશન કરવાની સુવિધા આપશે.

1 ઓગસ્ટથી UPIના નિયમોમાં ફેરફાર

1 ઓગસ્ટ, 2025થી UPI સાથે જોડાયેલા અનેક નિયમોમાં મહત્વના ફેરફારો થવાના છે. નવા નિયમો અનુસાર, યુઝર્સ દિવસમાં મેક્સિમમ 50 વખત બેંક બેલેન્સ ચેક કરી શકશે, જ્યારે અગાઉ આવી કોઈ મર્યાદા નહોતી. આ પગલું સર્વર પર વધતા લોડને ઘટાડવા માટે લેવામાં આવ્યું છે. આ ઉપરાંત, ઓટો-પે રિક્વેસ્ટ હવે ચોક્કસ સમય સ્લોટમાં જ સવારે 10 વાગ્યા પહેલા, બપોરે 1 વાગ્યાથી સાંજે 5 વાગ્યા સુધી અને રાત્રે 9:30 વાગ્યા પછી નિયત સમય સ્લોટ દરમિયાન જ પ્રક્રિયા કરવામાં આવશે. (સવારે 10 વાગ્યા પહેલાં, બપોરે 1 થી સાંજે 5 વાગ્યા દરમિયાન, અને રાત્રે 9:30 પછી) પ્રોસેસ થશે. નિષ્ફળ ટ્રાન્ઝેક્શનની માહિતી હવે વધુ ઝડપથી મળશે. નવું બેંક એકાઉન્ટ લિંક કરવા પર બેંક તરફથી કન્ફર્મેશન પણ જરૂરી રહેશે, જે સુરક્ષા અને વેરિફિકેશન પ્રક્રિયાને વધુ મજબૂત બનાવશે.

શા માટે મહત્વનું છે આ અપડેટ?

આ બાયોમેટ્રિક અપડેટ UPI યુઝર્સ માટે ઝડપી, સુરક્ષિત અને વધુ અનુકૂળ પેમેન્ટ અનુભવ પ્રદાન કરશે. ખાસ કરીને, ગ્રામીણ વિસ્તારોમાં જ્યાં પિન યાદ રાખવું અથવા દાખલ કરવું મુશ્કેલ હોય શકે છે, ત્યાં આ સુવિધા ખૂબ ઉપયોગી થશે. NPCIનો આ પ્રયાસ ડિજિટલ ઇન્ડિયાને વધુ સશક્ત બનાવશે અને UPIને વૈશ્વિક સ્તરે વધુ સ્પર્ધાત્મક બનાવશે.