Budget 2025: 1 લાખ લોકોને મળશે તેમના અટકેલા મકાનો, રોકાયેલા આવાસ પ્રોજેક્ટ્સ માટે સ્વામી ફંડ-2ની જાહેરાત

Budget 2025: નાણામંત્રી નિર્મલા સીતારમણે શનિવારે તેમના બજેટ ભાષણમાં નવા 'સ્વામી' ફંડની જાહેરાત કરી છે. નાણામંત્રીએ કહ્યું કે, હાઉસિંગ પ્રોજેક્ટ્સમાં એક લાખ યુનિટ પૂર્ણ કરવા માટે 15,000 કરોડ રૂપિયાનું નવું 'સ્વામી' ફંડ બનાવવામાં આવશે. આ યોજનાનો ઉદ્દેશ્ય એવા ઘર ખરીદદારોને રાહત આપવાનો છે જેમના ઘરનો કબજો અટકી ગયો છે. કેન્દ્રએ નવેમ્બર 2019 માં અટકેલા હાઉસિંગ પ્રોજેક્ટ્સને પૂર્ણ કરવા માટે સ્વામી નામના ભંડોળની જાહેરાત કરી હતી.

બનશે સ્વામી ફંડ-2

આ ફંડનું સંચાલન સ્ટેટ બેંક ઓફ ઈન્ડિયા ગ્રુપની કંપની SBICAP વેન્ચર્સ લિમિટેડ દ્વારા કરવામાં આવે છે. પ્રથમ ફંડની સફળતા બાદ સીતારમણે તેમના બજેટ ભાષણમાં સ્વામી ફંડ-2 ની જાહેરાત કરી. નાણામંત્રીએ માહિતી આપી હતી કે સ્વામી ફંડ-1 હેઠળ, તણાવગ્રસ્ત આવાસ પ્રોજેક્ટ્સમાં 50,000 આવાસ એકમો પૂર્ણ થઈ ગયા છે અને ઘર ખરીદનારાઓને ચાવીઓ સોંપવામાં આવી છે.

આ વર્ષે 40,000 યુનિટ પૂર્ણ થશે