Mahindra હવે વિદેશોમાં વિસ્તારશે પોતાનો બિઝનેસ, જાણો શું છે કંપનીનો પ્લાન

સ્થાનિક બજારમાં તેની સ્થિતિ મજબૂત કર્યા પછી, મહિન્દ્રા એન્ડ મહિન્દ્રા (M&M) હવે આંતરરાષ્ટ્રીય બજારોમાં તેની હાજરીને વિસ્તારવા માટેના માર્ગો શોધી રહી છે. કંપનીના ટોચના અધિકારીએ આ જાણકારી આપી. મુંબઈ સ્થિત અગ્રણી ઓટોમોબાઈલ કંપની તબક્કાવાર રીતે વૈશ્વિક સ્તરે તેના ઓટોમોબાઈલ બિઝનેસને વિસ્તારવાની યોજના બનાવી રહી છે. કંપની પ્રથમ તબક્કામાં વિવિધ વિદેશી બજારોમાં તેની વર્તમાન વિતરણ ચેનલોનો લાભ લેવાની યોજના ધરાવે છે. પીટીઆઈ સાથે વાત કરતા, મહિન્દ્રા એન્ડ મહિન્દ્રાના ઓટો અને એગ્રીકલ્ચર સેક્ટરના એક્ઝિક્યુટિવ ડિરેક્ટર અને ચીફ એક્ઝિક્યુટિવ ઓફિસર (સીઈઓ) રાજેશ જેજુરીકરે જણાવ્યું હતું કે લાઈફસ્ટાઈલ પિકઅપ ટ્રક જેવી નવી પ્રોડક્ટ્સ અને વિકાસ હેઠળના ઇલેક્ટ્રિક મોડલ્સની નવી શ્રેણી કંપનીને નવા આંતરરાષ્ટ્રીય બજારોમાં પ્રવેશવામાં મદદ કરશે.

ઘણા દેશોમાં ધરાવે છે મજબૂત હાજરી

તેમણે જણાવ્યું હતું કે, દક્ષિણ આફ્રિકા, ઓસ્ટ્રેલિયા, ન્યુઝીલેન્ડ, મોરોક્કો અને ચિલી જેવા દેશોમાં સ્થાપિત વિતરણ નેટવર્ક સાથે ઓટોમેકર પહેલેથી જ મજબૂત હાજરી ધરાવે છે. જેજુરિકરે જણાવ્યું હતું કે, "આમાંની ઘણી ભૌગોલિક જગ્યાઓ અમારા માટે બજારો હતી જ્યાં અમે સ્કોર્પિયો પિક-અપનું વેચાણ કર્યું હતું." આ બજારો હવે અમને XUV700, Scorpio N અને XUV3XO જેવા મોડલ રજૂ કરવા સક્ષમ બનાવી રહ્યા છે.”

શું છે યોજના?