Budget 2026: ભારત બનશે સુપરપાવર? બજેટમાં મોટા ફેરફારોની તૈયારી, નોકરી અને ટેક્સ પર સરકારનું ખાસ ફોકસ

Union Budget 2026: કેન્દ્ર સરકાર આગામી બજેટ 2026માં ભારતને વિકસિત દેશ બનાવવાના લક્ષ્ય સાથે મોટા આર્થિક સુધારાઓ (Reforms) જાહેર કરી શકે છે. નાણામંત્રી નિર્મલા સીતારમણનું આગામી બજેટ દેશના ગ્રોથને વેગ આપનારું હોઈ શકે છે. ખાસ કરીને યુવાનો માટે રોજગારી અને નાના વેપારીઓ (MSME) માટે આધુનિકીકરણ આ બજેટનો મુખ્ય એજન્ડા રહી શકે છે.

ચીનની સ્પીડ અને ભારત માટે તક

ચીનમાં હાલમાં જે રીતે કામકાજ ચાલી રહ્યું છે તે ખરેખર જોવા જેવું છે. ત્યાંનું હાઈ-સ્પીડ રેલ નેટવર્ક, AI (આર્ટિફિશિયલ ઇન્ટેલિજન્સ) નો ઉપયોગ કરતી કંપનીઓ અને ઇલેક્ટ્રિક વ્હીકલ્સનું ઈકોસિસ્ટમ ખૂબ જ મજબૂત છે. ચીને પોતાનો 15મો ફાઈવ-યર પ્લાન રજૂ કર્યો છે. ભારત માટે પણ આ સમય ખૂબ મહત્વનો છે. અનિશ્ચિતતા હોવા છતાં ભારતની ગ્રોથ સ્ટોરીમાં અનેક મોટી તકો રહેલી છે.

ભારતીય ઈકોનોમીનું દમદાર પ્રદર્શન

છેલ્લા એક વર્ષમાં ભારતીય અર્થતંત્રનું પ્રદર્શન શાનદાર રહ્યું છે. ભારતની GDP 4 લાખ કરોડ ડોલરને પાર કરી ગઈ છે અને સૌથી ઝડપથી વિકસતી ઈકોનોમી તરીકે આપણે મજબૂત સ્થાન બનાવ્યું છે. દેશનો ત્રિમાસિક ગ્રોથ 6.6 થી 8 ટકાની વચ્ચે રહ્યો છે, જે દર્શાવે છે કે અર્થતંત્ર મજબૂત સ્થિતિમાં છે.

ઘરેલું માંગ અને ટેક્સમાં રાહત

ભારતના વિકાસમાં ઘરેલું માંગનો મોટો ફાળો છે. પ્રાઈવેટ કન્ઝમ્પશનમાં લગભગ 7 ટકાનો વધારો થયો છે. સરકાર દ્વારા ઈન્કમ ટેક્સના નિયમો સરળ કરવામાં આવ્યા છે અને વાર્ષિક 12 લાખ રૂપિયા સુધીની આવક ટેક્સ-ફ્રી થવાથી લોકોની ખરીદશક્તિ વધી છે. તહેવારોની સીઝનમાં 6.05 લાખ કરોડ રૂપિયાનું રેકોર્ડ વેચાણ થયું હતું. RBI એ પણ FY26 માટે GDP ગ્રોથનું અનુમાન વધારીને 7.3 ટકા કર્યું છે.